漢堡芝味 (已結業)

放假去朋友屋企懒人上身叫美食平台，见到呢间好似未食过但价钱都唔贵，所以即刻试下佢！叫左个堡堡hotdog餐 ($120)，仲有埋汽水同3款小食😍，加配完都系$140 2个人，自取应该仲抵食。🔅和风汁安格斯汉堡第一啖咬落去好香芝麻味，肉都颇大块，几juicy，加埋椰菜丝有口感。和风汁唔算多，不过都够味唔会太咸。Openrice望单叫呢个burger只要$38，呢个价钱黎讲超抵食😋！🔅韩式甜辣炸鸡堡 (+$10)炸鸡好大块，仲大过burger 🤤！包有烘过所以香啲，甜辣酱唔算好多，不过都够晒味，同埋唔会整到炸鸡腍晒。普通女仔应该食唔晒成个😂。🔅小食拣左薯条，薯宝同地瓜丸(8粒)(+$8)。炸野黎到都无腍晒仲脆脆地都算唔错。地瓜丸口感唔错，入面都几多芋泥，都几烟韧😍。💬Lunch hour叫都无迟到，送到黎仲热，好满意！2个burger都好足料，cp值超高，成个set2个人系食唔晒😂。唯一想讲系俾错左罐雪碧做普通可乐😂。不过上网望返舖头好似系月头先正式开张，希望可以keep住质素😌。