我杯茶 (永興樓)

营业中

休息中

早排去食完新景园经过呢间餐厅，本身舖头有三文治同饭卖，下午茶好似试过都正常。呢次同事特登买左几枝樽仔奶茶俾老婆饮🤣，搞到我都忍唔住买返枝试下😎。门口有师傅即冲，玻璃樽奶茶有冰震住，附有胶袋装唔怕手拎住变到暖晒。🔅我杯茶樽仔奶茶 ($30)奶茶用玻璃樽装零舍有风味，樽身偏幼长，都几大樽(300ml)。茶味好香浓，真系浓而不涩，饮完个口仲会有阵茶香味带少少甘。奶就好滑，偏甜但唔算甜到漏，平时走甜人士应该要叫少甜/走甜先可以。茶味比奶茶重啲，但𠮶种香浓又幼滑既口感，真系「我杯茶」👍🏻。💬平时$30买杯肥仔水唔会觉得贵，但买港式奶茶开头觉得少贵，加上我唔系个奶茶控，不过饮完发现真系唔错！之后上openrice睇返先知原来系港式奶茶国际赛冠军既罗德师傅坐镇，水准系唔同啲，特别奶茶/冻柠茶呢啲港式茶记精髓其实唔易冲得好。饮得多台式珍珠奶茶，不妨反璞归真饮返杯地道港式奶茶😌。