肥佬車仔麵 (已結業)

嘴刁同事试完呢间新开既车仔面话好正所以带我黎试🤤。去到已经见到好多人叫外卖，堂食都要排一阵队。等左一阵入得，入面唔算好大，座位少少逼，但张櫈都坐得舒服，同埋食车仔面唔使食耐所以无咩所谓啦😝。一路见住店员超忙碌执单，但都keep到几好礼貌👍🏻，叫单叫到喉咙都沙埋真系辛苦晒！🔅车仔面 ($42)叫左豆卜、卤水鸡中翼同埋台湾肠，同事交换左生菜同墨丸试，全部都合格无伏👍🏻！鸡翼入味但无煮到肉散晒，肠都好够香，豆卜索左汁就超正！油面份量都多，女仔其实应该未必食得晒。最出色既系佢既汤同麻辣汁，加埋葱花香蒜系超惹味！叫左小辣我就觉得啱啱好。个人觉得车仔面既𩠌只要正正常常，但汤底做得好就成碗面会加分！🔅乌龙茶 ($9)食辣野肥腻野饮最啱饮茶，加津路都系$9算系良心价！🔅无糖豆浆 ($10)店员好搞笑提醒同事有唔少人叫完无糖都觉得唔好饮，问佢系咪真系要叫🤣。拎到黎我又偷饮左啖，饮开正常豆浆既我真系唔太接受到😂，但同事饮开无糖既豆浆又话好正常。💬呢间真系心目中湾仔区车仔面第一！未打完第一次食评已经话咁快食左第二次就知有几正😎(第二次仲要系叫同样既𩠌😂)。