茶餐廳2.0 (已結業)

去dpark行完街揾食，行到去实惠/759𠮶边见到呢间叫茶餐厅2.0，好奇2.0有咩唔同😳，所以去左试😝。餐厅内环境好光猛，座位舒适够阔落，menu选择系极多！比较特别就系竟然有埋火山石系列同埋农夫包，同埋有鸡蛋仔食！选择困难症睇左一阵先拣到食乜😂。🔅西多士 ($33)望个样都知好正，加埋糖浆🥰🥰。最紧要趁热食🤤🥞。🔅奶油脆猪 ($26)包几烟韧，烘得好脆😝，炼奶唔会太多太甜。🔅2.0瑞士鸡髀配红豆冰 ($30)之前食生炸髀太热气生飞滋🙈，所以今次拣左瑞士鸡髀🤣。瑞士汁唔算太甜，鸡髀都唔细只，配埋红豆冰都系$30好抵👍🏻。🔅2.0面餐 ($40+$6转辛辣面)最近钟意食韩式公仔面，面有口感弹牙啲，所以转左辛辣面🌶❤️。炒蛋够滑，餐肉煎得够香😚。🔅咸鱼鸡粒炒饭 ($44)好少见珍珠粒炒饭😳，比起平时既炒饭有口感啲，如果多啲葱同蛋炒再香啲就好☺️。🔅迷你鸡蛋仔雪糕 (+$13)迷你size啱啱好🥰，食完咁多仲食得落呢个甜品都不得不佩服自己同男朋友😌。鸡蛋仔外脆内软，雪糕就正常朱古力味🍫🍦，呢个combination无得弹🥇！推荐！💬Staff同老板都几nice，同埋因为坐门口位所以成日听到佢地