鬼金棒

营业中

休息中

呢间位于世贸附近既拉面店相信都唔需要介绍😎，门口就有枝鬼金棒好易认。见朋友几推荐呢间既拉面，今日准时放工一于去试下。去到未到7点，唔使等位，食完出黎就排晒长龙😱。位置虽然唔算大，但纸巾、水呢啲都有提供，仲有埋围裙，好贴心😍。🔅增量叉烧x2 辣麻味噌拉面 ($135+$15味玉)拣左中辣小麻，唔好睇个汤咁深色，其实啱啱好😝，系日式既辣度同麻度😝。叉烧肥瘦相间，比例啱啱好，比普通叉烧厚好多但好入味👍🏻。面条偏粗硬身，份量仲好多，正常女仔食量系食唔晒🙈。🔅辣麻味噌沾面 ($100+$15味玉)呢碗朋友叫左拣左小辣无麻，佢仲怕好辣所以无捞晒啲辣粉😝，可以自己再调较下辣度。沾面浓而不腻，唔系得个咸字😎。沾面既面最紧要够挂汤，呢间都唔错👍🏻，又够爽口弹牙。味玉好香蛋味，流心好正🤤。🔅无糖可乐 ($15)💬拉面同沾面都几满意，如果有埋饺子、炸物呢啲小食就好啦🥺。