甜記餃子 (已搬遷) 新店位置

同朋友都好钟意食饺子，所以拣左食呢间良心饺子店。之前喺旺角见太多人排所以食唔到，好彩呢次去长沙湾分店竟然唔使排队😝。小店座位都比较逼，坐得就唔太舒服，不过食饺子唔需要坐好耐都ok既。同朋友各叫10只煎饺，$48有10只仲要双拼都几抵食👍🏻。大约等左15分钟就2碟一齐上，齐齐有得食😎。🔅椰菜冬菇云耳猪肉饺个人比较钟意传统菜饺，所以叫左2款最basic既试。饺子皮厚薄适中，煎到好香脆，唔算好油，唔会煎到皮硬晒刮口💮。云耳同椰菜好爽口，菇味唔算好突出，但整体不俗。🔅白菜猪肉饺白菜粒偏大，所以食落有口感，好juicy，仲有好微微既姜味。🔅粟米芝士鸡肉饺同朋友交换左2款饺试。芝士味唔算浓，唔系拉丝𠮶种芝士，不过平时怕芝士臭既我都食到。粟米唔算好甜，应该唔系新鲜粟米所以差啲，鸡肉味都唔太明显。🔅洋葱薯仔牛肉饺一咬开洋葱味好香，洋葱粒大有口感，几甜，但食唔到薯仔🧐，同埋牛肉味唔算浓又有少少筋。💬整体菜饺感觉上比较好，虽然简单但几好食又juicy，性价比高。菜脯朋友试左话几辣，如果怕辣就要小心😌。另外一位朋友话佢既蕃茄汤好食，下次有机会再试。