如意冰室私房菜 (已結業)

原本lunch time想黎食，但经常都好多人排队，所以直接book夜晚算😂，同埋佢都适合夜晚叫小菜几个人share食。冰室有2层，楼上静啲方便倾计所以就拣左楼上坐。Menu都系好多选择睇到花多眼乱，最尾叫左几个晚市必食既小菜。①蜜椒薯仔牛柳粒薯仔爆得好香，加埋黑椒，少少㶶好正。牛柳粒都算多，啱啱好一啖食到，唔韧无乜筋超级正😋！②椒盐猪扒个人好钟意食椒盐猪扒，平时呢个𩠌意外地都会中伏，但呢间唔错。佢份量都多，有好多炸蒜好正，食开浓味既我就觉得唔错，捞饭一流。猪扒有口感，无乸到啲肉质散晒。③黄金鲜鱿平时最怕食到无味鱿鱼，但佢啲鱿鱼都算大碟，几弹牙，好鲜，炸得好香，几浓咸蛋香气🤤 👍🏻！④粟米鱼块啲鱼块炸得几滑，唔会干柴柴，炸粉唔厚。同埋佢系炸起先加汁，所以炸皮唔会上碟已经俾啲粟米汁浸到个腍晒。呢个系相当大路，万无一失既菜色。⑤咸鱼鸡粒炒饭同行朋友都好钟意食咸鱼鸡粒炒饭所以就叫，不过原本已经跟左饭，其实都好够饱。对比起小菜呢个就普通啲，鸡粒无乜味，无乜咸鱼😂，但胜在够大碟。💬好值得推介既💛餐厅，夜晚小菜好野味，暂时未食到伏野👍🏻，会encore。