尚善

营业中

休息中

新年返工系咁食食食，今日lunch又试新野，去左上环食日本菜。今次去尚膳，位置唔算就脚，但午饭时段都一样爆，虽然有book位，但都要等，可想而知中上环打工仔，食餐饭都几困难。 下午有lunch set，所以我地都系主打鱼生饭为主，因为有同事早前试过，觉得不错，大家跟佢揾食。今次一行6人，叫左2个杂锦鱼生饭，3个香葱吞拿鱼腩饭定食及1个海鲜锅。 上菜速度算快，落单无几耐就到。杂锦鱼生饭成个set咁上，有沙律、汤、鱼仔干及蒸蛋。 鱼生有成10款刺身咁多，而且好新鲜。刺身大大块，尚算美味，但吞拿鱼就有好多筋，美中不足。 吞拿鱼腩成个肉饼咁，好厚肉，成层粉红色的鱼蓉铺系日本饭上，好吸引，味道都够鲜味 值得一赞系个蒸蛋，好滑，要趁热食。 个海鲜锅都足料，大虾、青口、带子及一众蔬菜及豆腐，满满的一锅。同事大赞虾好鲜甜。 跟餐仲送餐饮及甜品，每人埋单$230，唔算好抵。但值得一试。不过唔就脚的话就唔使特登去试。