翡翠拉麵小籠包 (已結業)

午餐嚟到翡翠拉面小笼包，因为同事话呢度最近做紧半价优惠，去到发觉原来半价优惠，系指定餐点，而且每台只可以点一样食物。三至四人可以点两款。点左个金银蛋时蔬、鸡火炒饭和小笼包，两个人食份量刚好。鸡火炒饭其实就是鸡肉炒饭，入面有鸡蛋丝和鸡肉粒，配料不算很多，略嫌饭炒得有点干。同事更话觉得味精味好重，所以食咗一碗，其他就留俾我食！金银蛋时蔬食落冇乜味，好正常的水准，但没有特别！最好食系个小笼包，每粒都皮薄馅靓，而且一咬爆汁，所以做得十分不错。埋单可以拣一样半价，我哋拣咗鸡火炒饭，最后每人$83，不算贵，如果冇半价，就唔太抵食了！