K2 Kitchen (已結業)

是夜约左旧同事系观塘聚会，知道观塘多野食，所以一定叫佢推介。佢建议去K2 Kitchen，因为食过觉得抵食又好食，所以一定要带我食。Book好位，晚上8点准时现身。 睇地图以为离地铁站好远，但原来5分钟左右。系冠力工业大厦内，因为过左8点，所以要系楼下登记。到左13楼，一眼就望到个餐厅招牌。入到去，已经好热闹，差不多坐满左人，而且一入门口就见到侍应哥哥系度切紧大大只风干火腿。 我地点左个set dinner，因为加$48蚊转套餐，就可以埋餐汤、饮品及甜品。头盘分别拣左香芒鲜果虾沙律配青柠泡沫和自家制巴马火腿猪手冻批。外形好惊喜，青柠泡沫堆得好高，沙律酱系鲜黄色的，以哈蜜瓜、士多啤梨、菠萝、奇异果及火龙果粒混合而成，酸甜开胃，而且好清新，好钟意，原本有啲闷闷地，但食完佢胃口立刻大开。 猪手冻批似件厚切午餐肉，但其实是用火腿制成，可以见到一粒粒的猪肉及猪皮，食落口感觉是带啫喱的口感，有少少浆口，但又爽口。其实它就是中国版的冰镇肴肉，但是变了西餐版，啫喱部份少了，但同样好食。 汤方面点了个厨师餐汤及一个蟹肉粟米茸汤。厨师餐汤系南瓜汤，感觉比较普通，反而蟹肉粟米茸汤就