影片
更多
2016-08-05
815 浏览
去完泰国返黎都成星期，今日的起心肝约老友出黎俾返啲手信佢。大家都唔想去咁远，所以最后都系决定系老地方旺角。上openrice遂页loop，终于揾到Amour，印象中N年前食过一次，系太子，感觉不俗，今次试下佢旺角的分店。餐厅系豉油街𠮶边，入口都都唔太显眼，周围又有啲杂，都惊中伏，但㩒lift上到去，又别有洞天㖞！餐厅分室内外2部分，好干净企理，啲座位仲要好宽敞，同一众旺角楼上餐厅比，呢度好好多，环境都几有情调，三五知己，情侣撑枱脚都唔错。晚餐有2款二人餐提供，我地拣左$388蚊2位𠮶个，可拣3款小食，2份主菜，附送沙律餐汤同甜品，几抵下，因为朋友话想食蚝，所以额外加左半打生蚝。上菜好快，好抵赞👍🏻说实话，旺角自中学至今都蒲左成10年，次次约食饭都系离唔开旺角，但如果无预先book好位，想食间好少少的，都要等，如果要食间热门少少，起码等成半个钟。出面排完，入面落左单仲要再等，次次都等到花儿也谢了，唔系讲笑，想早少少返屋企，绝对无可能！但呢度咁有效率的上菜速度，令我呢个饥饿打工仔唔使饿著肚子吹水，好感动，旺角黎讲，真系好难得😭😭生蚝先上，虽然唔特别肥美，但新鲜清甜，十分不错～跟住系上青苹果
餐厅系豉油街𠮶边，入口都都唔太显眼，周围又有啲杂，都惊中伏，但㩒lift上到去，又别有洞天㖞！
餐厅分室内外2部分，好干净企理，啲座位仲要好宽敞，同一众旺角楼上餐厅比，呢度好好多，环境都几有情调，三五知己，情侣撑枱脚都唔错。
晚餐有2款二人餐提供，我地拣左$388蚊2位𠮶个，可拣3款小食，2份主菜，附送沙律餐汤同甜品，几抵下，因为朋友话想食蚝，所以额外加左半打生蚝。
上菜好快，好抵赞👍🏻说实话，旺角自中学至今都蒲左成10年，次次约食饭都系离唔开旺角，但如果无预先book好位，想食间好少少的，都要等，如果要食间热门少少，起码等成半个钟。出面排完，入面落左单仲要再等，次次都等到花儿也谢了，唔系讲笑，想早少少返屋企，绝对无可能！
但呢度咁有效率的上菜速度，令我呢个饥饿打工仔唔使饿著肚子吹水，好感动，旺角黎讲，真系好难得😭😭
生蚝先上，虽然唔特别肥美，但新鲜清甜，十分不错～跟住系上青苹果鹅肝多士同烟三文鱼露笋卷，卖相比预期中靓好多，因为经验话我知，百零二百蚊的价钱，仲要三款前菜，应该都hea hea地，但呢度唔系㖞！
鹅肝厚切大大件，两面都煎得甘香，入面juicy，下面的面包都烤得好脆，配上青苹果，口感唔一啲都唔肥腻，好食👍🏻烟三文鱼大大块包住爽脆的露笋，配酸甜胡麻酱，好食👍🏻帆立贝就煎得几香，洒上左干葱花，，肥dodo一啖食左~跟餐送的南瓜汤好清甜，沙律都好足料。
鲜茄红海虾意粉份量都几多，有3大只虾系面。其实我一向唔钟意新鲜蕃茄味食物，但呢个意粉鲜茄味唔浓，反而茄酱味偏重，甜味较多，所以都几好食。而且大虾好爽口，啖啖肉，意粉质感又软硬适中，配合起黎，开胃醒神，几Ok，朋友话好好食。
最后的猪肋骨，份量都几多，有2大块，个样有啲似叉烧咁红卜卜，油亮亮。肋骨面上涂左一层厚厚烤BBQ酱，切开差不多每条骨都有均匀的BBQ酱，完全唔干，好好食。配埋薯蓉，清清地，刚好。因为成为左会员仲有9折，所以成餐饭二百零蚊，好抵食。
放工后，如果系旺角想静静地食餐饭，真系推介呢度。一黎座位够阔，环境够大又够静，唔使排队唔使迫，野食又有保证。出黎做野，放工已经无力气同啲学生哥，后生仔女迫，只想静静地食餐饭，倾下计，然后早啲返屋企训觉。呢个，如无意外，应该会成为我放工约fd 的饭堂。张贴
