生記菜館 (已結業)

秋风起，又约了旧同事聚聚，原本谂住打边炉，但朋友话昨晚已打完，提议食其他，咁当然食煲仔饭啦。但想试新店，又唔想过海，都系死死地气返佐敦食。７点半左右到，四季煲仔饭又系一大条长龙，见到都得人惊。所以转入下一条街，食另一间。因为朋友之前食过，所以跟佢去左生记。 生记个招牌写住炭烧煲仔饭，但未试过所以唔知。不过都唔介意一试。阿姐安排我地上左阁楼坐，估唔到上面咁多人，而且都几热闹。我地4位，因为唔太饿，所以只点左2个煲仔饭和2小菜。滑鸡腊肠饭，鸡肉多，而且肉也算滑，但腊肠太肥，我没有食，但朋友就话都不错。黄鳝煲仔饭，鳝件颇多，而且鳝肉肥美，看得到的鳝油。 虽然招牌写住用炭火烧，但就唔觉好有炭火香味，不过饭就尚算干身。叫左3个小菜，鲜鱿西兰花足料，鱿鱼都新鲜，几好食而且大大碟。豉椒炒蚬都系大大碟，但蚬肉唔算肥美，感觉唔够惹味，但都收货。最失望系个炒面，好似成碟水咁，又油又水，我完全无意欲去食，相都无影。 总括黎讲，呢度啲野食大件夹抵食，每人80大洋有找，不过味道就中规中矩，唔想排队食个煲仔饭还可以，但小菜的话，有更多更好的选择。