那個ㄋㄚˋ ㄍㄜ (利奧坊)

营业中

休息中

好耐都冇嚟食那个，难得闲日放假，专登去食个饭。下午时候遇着周围的办公室放饭，所以要排队。大概排咗10分钟，就入到去。呢度招牌当然系食佢嘅香酥排骨饭，因为真系好大块，但都好夸张。而且块猪扒腌得入味，食落唔会好干，系真系好好食嘅！呢个价钱呢个份量，算系十分公道。期间因为冷气吹正个头好冻，想掉去第二个位，但系职员比较唔愿意，最后只系调咗去隔离张枱。跟餐点咗我最爱嘅珍珠奶茶，但系甜度好唔稳定，上次嚟珍珠奶茶，正常糖系冇甜味，要拎返入去加糖。今次点正常糖，但系就超级超级甜🥴🥴希望餐厅可以控制饮品质素。