弘 CHIRASHI (已結業)

三月又是朋友生日的季節，諗生日飯其實都係頭痛的事。幸好係intagram望望下，就會有啲頭緒。朋友鍾意食日本菜，所以今次揀左灣仔的弘，因為貪佢啲丼飯成個蛋糕咁，可以順便慶祝埋。 夜晚7點零到左，當時未算好多人，餐廳係小店格局，但座位都好足夠而且闊落。日本餐廳講，呢度菜色的款式比一般的都精緻而且有睇頭，價錢都親民。 我地點左個季節限定薔薇二段丼及一客海鮮極丼。因為見隔離枱上的食物都頗大碟，所以只點了二個飯。 先上的極丼，見到粉紅色的吞拿便十分興奮。侍應姐姐話係藍鯨吞拿魚黎。有海膽、赤蝦、油甘魚、帆立貝等，刺身算好多，而且。藍鯨吞拿魚油脂滿溢，一入口滿滿的魚油便流出。份量唔算好大，但刺身算豐富。 到了主角薔薇二段丼，外型幾令人驚艷。一共有2層，份量都幾巨型。上層有5朵油甘魚小花花包住1朵吞拿魚大紅花。花瓣上面有蛋黃絲、三文魚子及青葱，色彩好鮮艷。下層有幾個部份，分別係海膽花枝、蟹肉同埋肥美的蟹膏，中間仲有八爪魚漬物。 成個丼個樣，望落就係成個雙層蛋糕咁!!朋友見到好開心，因為佢唔太食甜品，所以食呢個就啱晒佢。呢個丼的份量，以2個人女仔黎食好足夠，但如果