霸嗎拉麵 (德己立街)

营业中

休息中

酒吧街等咗咁耐终于重开，当然要约埋同事放工去HAPPY HOUR啦顺便喺附近医下肚。近期做紧广岛牡蛎期间限定，就同同事各点咗一份SHARE。广岛牡蛎渍酱油拉面。拉面配料有4大只轻轻炙烧又饱满嘅广岛蚝，仲有菠菜同葱白。汤底偏淡口更突出广岛蚝嘅鲜味。而幼面ORDER咗硬身面都煮到刚好，浸耐咗汤都唔会易发胀。整体味道清爽，食完都唔觉油腻。广岛牡蛎渍姜汁石锅釜饭。釜饭上枱时滋滋作响，就知镬气十足。同样有4只饱满嘅广岛蚝，而且有大量葱花同生蛋黄配搭，饭入面仲有啲香菇碎所以个饭味道同香气都好丰富。食时将生蛋黄捞均除咗增加湿润度之余，亦令味道更加提升。广岛蚝熟到啱啱好，配饭一流。照烧饺子水准都唔错，唔会太干，饺子皮嘅边角位都煎得香口，配上咸酸饺子汁零舍开胃。沙律唐扬炸鸡。大大粒而又炸得外脆内嫩唔油腻。酸甜沙律酱令炸鸡大大减低咗炸鸡嘅罪恶感。饱餐一顿之后就正式开始HAPPY HOUR之旅。