友記

营业中

休息中

一向都颇钟情友记的车仔面，贪其价钱平而且车仔𩠌选择多，所以每次行完狮子山都过去食。成半年无行山，今日行完山当然要去食下佢。我地5点半左右到，星期日呢个时间唔多人，所以一入即有位，我拣左30蚊3个𩠌，我额外加多左柚皮，其他分别系猪红、大肠及粟米鱼肉卷，加5蚊有细乐，朋友因为唔知食咩好，所以同我点同一样的𩠌。今次个汤底有点失望，无之前咁浓味，虽然已经加左腩汁。猪红就保持到水准，好滑溜，而且阿姐好大方，俾左好多嚿我。大肠今次唔大入味，而且唔系之前食开𠮶只大大圈𠮶种，好唔开心呀~个粟米鱼肉卷几好食，好多粟米系入面。柚皮唔算稔，但因为其他地方都好少车仔面有得食佢，所以我食佢。埋单每人38蚊4𩠌加饮品，食到饱一饱，其实真系好抵食。