新聯威茶餐廳

营业中

休息中

闲日返去尖沙咀山林道视察公司的新项目。其实之前日日经过，都唔算去过山林道，原来就系平日经过𠮶条街行入去。其实听人讲山林道好多野食，但真系唔系太觉，至少地铺食肆选择并不多。或者系楼上铺吧，但感觉不太吸引。因为食饭得一个钟，所以求其见到间茶餐厅，价钱唔太贵就入去。大家见lunch 40蚊左右送野饮，尖沙咀黎讲算好平。午饭有4个选择，我拣左蒸水蛋，同事分别拣咖哩牛腩及焗猪扒饭。我个水蛋好快送到，都好大碟下，上面有不少瑶柱丝，而蛋都好滑，份量好足。牛腩都一样份量多多，仲要好入味，我偷左啲黎试，送饭好正。薯仔都好粉，所以几唔错。反而系个焗饭，略嫌油左啲。呢度唔大，但生意都几唔错，环境就唔特别好，而且有啲迫，但胜在够快，如果贪方便价平，午饭都可以试下。