影片
更多
2016-07-30
903 浏览
企鹅哥时不时都会同自己啲家族饮茶，但佢地话食到闷，想去食新派点心店，隔左几日佢地就带我到吉吉点饮茶。路程虽远，不过我都唔放过捉小精灵嘅机会，边行边捉就至岩我。老饼都要试新野嘅，依到就成为左游历香港美食第九站。虽然话就话饮茶，但睇上去绝对唔系一间茶楼，而且里面都有几多后生捧场。饮开早茶嘅我竟然黎到依到食夜市，佢地仲嗌左几客点心，感觉怪怪地，不过都可以一试。鲍螺鸡烧卖($22)一粒系鲍片，一粒系鸡肉嘅烧卖，卖相未算讨好，但都几新颖。味算普通，唔算好特别，都系两种味道加埋，两粒嘅价钱颇贵。评分味道：6/10卖相：5/10抵食：5/10吉吉虾饺皇2件($17)企鹅仔嘅至爱，皮薄馅靓，虾仁大大粒好爽口，食得好和味。评分味道：7/10卖相：7/10抵食：6/10千层珍珠鸡($26)店员推荐，馅料同糯米分至一层层，睇起上黎几特别，口感软熟，糯米充满荷叶嘅香气，馅料充满整个珍珠鸡，虽话系珍珠鸡但都几饱，值得一试。评分味道：8/10卖相：7/10抵食：7/10杯仙履奇缘($27)传说中嘅铁观音咖啡，充满中西合壁文化，咖啡用朱古力浆画花其实会有啲奇怪，另外泡沫打得太过粗身同量都较多。味道方面，铁观音味道偏
但佢地话食到闷，想去食新派点心店，隔左几日佢地就带我到吉吉点饮茶。
路程虽远，不过我都唔放过捉小精灵嘅机会，边行边捉就至岩我。
老饼都要试新野嘅，依到就成为左游历香港美食第九站。
虽然话就话饮茶，但睇上去绝对唔系一间茶楼，而且里面都有几多后生捧场。
饮开早茶嘅我竟然黎到依到食夜市，佢地仲嗌左几客点心，感觉怪怪地，不过都可以一试。
鲍螺鸡烧卖($22)一粒系鲍片，一粒系鸡肉嘅烧卖，卖相未算讨好，但都几新颖。
味算普通，唔算好特别，都系两种味道加埋，两粒嘅价钱颇贵。
评分
味道：6/10
卖相：5/10
抵食：5/10
吉吉虾饺皇2件($17)企鹅仔嘅至爱，皮薄馅靓，虾仁大大粒好爽口，食得好和味。
评分
味道：7/10
卖相：7/10
抵食：6/10
千层珍珠鸡($26)店员推荐，馅料同糯米分至一层层，睇起上黎几特别，
口感软熟，糯米充满荷叶嘅香气，馅料充满整个珍珠鸡，虽话系珍珠鸡但都几饱，值得一试。
评分
味道：8/10
卖相：7/10
抵食：7/10
杯仙履奇缘($27)传说中嘅铁观音咖啡，充满中西合壁文化，咖啡用朱古力浆画花其实会有啲奇怪，另外泡沫打得太过粗身同量都较多。味道方面，铁观音味道偏重，盖过咖啡嘅味道。加糖后会冇咁好饮，算系一个新尝试，希望再改良。
评分
味道：5/10
卖相：7/10
抵食：6/10
香滑鲜奶冻($18)奶冻过甜，奶味亦唔重，口感食起上黎太硬唔软身，食上去又饱又腻，感觉麻麻。
评分
味道：4/10
卖相：5/10
抵食：5/10
新派点心感觉仍不错，但新派饮品同甜品都仲有改善空间。
企鹅哥游历香港美食报导完毕，多谢收睇！
张贴
