大滿足 (已搬遷) 新店位置

最近大家都谈论的小食莫过于葵涌广场的海胆手卷。最近某翻新左某啲部份，好多小食店进驻左。今日放工经过，就顺便去食下。最有人气的系系1楼的大满足，$29.9半板海胆作招徕的手卷大排长龙。幸好闲日唔算多人，但都好多人排队。小店唔大，小小的厨房隔离就系卖日本饮品的汔水柜，价钱唔算贵，但选择颇多。落左单等左约8分钟就整好出黎。招牌牡丹虾海胆松露手卷，卖相几吸引，一大只虾拆肉，点上松露，再加上海胆，成个感觉好丰富。虾同海胆好新鲜，松露都算有少少香味，还不错。至于海胆手卷，虽说是半板，但感觉唔多，好单薄。但以$29.9的价钱黎讲，系可以接受，而且海胆都算鲜甜。整体黎讲，手卷味道不错，饭唔算大嚿，海胆都足料，路经嘴馋可以一试。