影片
更多
2018-09-12
486 浏览
早排的某个星期日，非素朋友原本谂住约版主去观塘骆驼漆大厦3期的PASTAZONE开餐，话个度有素食。点知，去到个阵，我地竟然受到铁闸🚧的热烈欢迎，「铁闸大哥」点都唔肯打开俾我地入去🚫。冇法，于是我地两个3X岁的人就唯有做「逆楼大叔」，一于搭䢂去到11楼再扫返落黎，睇下有冇发现……. (注：如果由1至11是顺序的话，那么，由11去返1应该是叫「逆」吧😆) 扫到去4楼时，终于俾我地发现左「晚餐的一线曙光⚡」-----我地睇见MARIO系度同我地招手👋👋呀！大家可能谂，惨啦，版主系咪饿到产生幻觉呢🤦♂️？当然唔系啦，上述内容只系用左拟人法，真实情况是，我地发现左一间Little Mario’s Pizzeria的小店，有得开餐了😋。 有玩开MARIO的朋友都知道，MARIO系最钟意食菇🍄的嘛，所以，黎到呢间小店，餐单中当然唔少得「菇类PIZZA」啦。我地拣左「魔法磨菇薄饼」🍕同埋「松露薄饼」🍕，磨菇和松露都各有不同的香味，更重要的是，薄饼的尺吋有8吋和14吋两种，令到我地即使只得2个人，都可以食到两种薄饼，而且仲可以继续叫其他野食添！食完⚁个细PIZZA后，然后就到「杂菜咖哩角」以及「莫札里
早排的某个星期日，非素朋友原本谂住约版主去观塘骆驼漆大厦3期的PASTAZONE开餐，话个度有素食。点知，去到个阵，我地竟然受到铁闸🚧的热烈欢迎，「铁闸大哥」点都唔肯打开俾我地入去🚫。冇法，于是我地两个3X岁的人就唯有做「逆楼大叔」，一于搭䢂去到11楼再扫返落黎，睇下有冇发现…….
(注：如果由1至11是顺序的话，那么，由11去返1应该是叫「逆」吧😆)
扫到去4楼时，终于俾我地发现左「晚餐的一线曙光⚡」-----我地睇见MARIO系度同我地招手👋👋呀！大家可能谂，惨啦，版主系咪饿到产生幻觉呢🤦♂️？当然唔系啦，上述内容只系用左拟人法，真实情况是，我地发现左一间Little Mario’s Pizzeria的小店，有得开餐了😋。
有玩开MARIO的朋友都知道，MARIO系最钟意食菇🍄的嘛，所以，黎到呢间小店，餐单中当然唔少得「菇类PIZZA」啦。我地拣左「魔法磨菇薄饼」🍕同埋「松露薄饼」🍕，磨菇和松露都各有不同的香味，更重要的是，薄饼的尺吋有8吋和14吋两种，令到我地即使只得2个人，都可以食到两种薄饼，而且仲可以继续叫其他野食添！
食完⚁个细PIZZA后，然后就到「杂菜咖哩角」以及「莫札里拉芝士条」啦。咖哩角香脆惹味，不过记住唔好狼吞虎咽，否则的话，大家的嘴唇就可能会……🙊。至于芝士条，就俾我地见识左佢地有几「痴缠」💕(请看相片)，这也正正反映了芝士条的份量是很足够，绝不会「揸流摊」只得少量芝士。最后，我地仲黎多个「青酱长通粉」，为晚餐划上满足的句号。
最后，提醒一下，店中部分pizza,可转为vegan cheese(+10元)。不过，版主问楼面小妹vegan cheese是否无蛋奶时，小妹完全是一个「十万个你问甚么」的表情，然后小妹就问身边的「楼面叔叔」，叔叔也给版主送上❓。最后，叔叔入了厨房求证一下，出来后告知是vegan cheese。不过，在言谈间，叔叔又说是vegetarian的，可以放心。对于店员们热心❤地尝试解答版主的疑问，这个的确是很抵赞的。不过，对于非素店来说，vegan和vegetarian这两个概念，可能未必知道得很清楚。所以，蛋奶素的朋友，这间小店是值得一试的。如果是严格的纯素朋友，就请自行衡量了。
30 浏览
0 赞好
0 留言
张贴
