Fûhn (The L. Square) (已結業)

去完铜锣湾行街朋友想食越南餐网上见到呢间越南餐厅装修新颖环境舒服 决定一试大虾柚子沙律前菜大虾柚子沙律非常有心思。特意有切细沙律生菜， 大虾系切开对半，方便我地呢啲嘴细既女士食用。越南风味当然唔少得甜酸甜酸既柚子啦。 每一口沙律都有柚子清爽既酸甜，连同沙律同大虾一齐食，再配埋佢沙津既酸汁， 相当爽口开胃，为我地既晚餐打向咗前哨战！！！水蜜桃梳打水蜜核既香甜绝对系晚餐既完美配角。软壳蟹米纸卷：非常好食！米纸卷皮薄馅靓，生菜新鲜，软壳蟹炸得金黄松脆！配上特制沙律酱，非常野味开胃，作为餐前小食一流。安格斯牛肉汤粉配牛筒骨：牛肉粉既牛味浓郁，牛汤浓味，同出面比较，呢碗牛肉粉值得一试！牛筒骨之前从未试过，牛筒骨可放入牛肉汤粉一齐食或配搭越式法包。今次我选择配越色法包，法包吸取牛筒骨既油，所以食落去很香，不会很油，两者配合相得益彰。