令酒場 (已結業)

早前已经听朋友讲Decree by T嘅Omakase 好高质，今次我哋就先试吓佢嘅姊妹店居酒屋。餐厅格局同传统居酒屋好似，我哋早嚟人客唔多，空间好舒服，而且行多几步就系大馆，食完嘢可以去散步。令海之幸太卷 $128平时我都好少叫卷物，但系呢款卷物味道唔错，以三款鱼作馅料，表面再铺上吞拿鱼蓉，卖相精致，分量十足，好适合几个人嚟一齐share嚟食，值得推介👍🏻帆立贝焗杂菌 $128店员攞上嚟嘅时候仲冒紧热气，热辣辣上枱，应该系即叫即做👏🏻 帆立贝鲜嫩入味，配搭嘅杂菌吸收鲜味后，比带子更令人食指大动。希望下次佢可以放多啲杂菌，因为真系好好味😝三文鱼籽海胆和牛卷 $198 呢款卷物配搭海胆、和牛同鱼籽，将几种美味合为一体🤤唔好睇佢外型似花之恋，其实啖啖都系舌尖上嘅珍宝。虽然味道冇想像中咁惊艳，但如果未试过咁奢华嘅寿司卷，可以一试！免治鸡肉串 $58澄黄嘅蛋黄一上到黎已经好吸引😋将鸡肉串沾上蛋黄再放入口，有种食和牛嘅高级感。肉串唔系啖啖肉，入面亦有鸡软骨、洋葱、蔬菜等佐料，口感丰富唔会油腻👅厚烧牛舌芯 $148牛舌非常厚切，切成骰仔嘅形状，师傅将火候控制得恰好，烧得唔会太干太韧，肉质软腍爽口，