港久新街

营业中

休息中

一间位于尖沙咀的新式大排档，装修极具玩味，采用香港最具代表性嘅「霓虹灯」作为元素，装修融入香港旧式建筑文化与时代感设计，打造一个新旧同步空间。餐厅菜式选择多，更有「怀旧鸡蛋焗鱼肠」、惹味串烧、生啤等等，一于叫够半打啤，坐低同朋友慢慢食、慢慢倾！1️⃣怀旧鸡蛋焗鱼肠 HKD98 呢个菜式系香港已经买少见少，因为工序烦多，已经唔多餐厅会做。蒸蛋焦脆外皮下包住香滑蒸蛋，渗出阵阵鱼油香，内脏处理得宜，食落唔会好腥，一啖一口，欣赏！内里仲有油炸鬼，的确系一种港式情怀！  2️⃣豉蒜蒸大鳝 HKD168 非常新鲜，鱼肉弹牙，肉质鲜甜，油香十足，大推！而且份量一啲都唔少，4个人share绝对无问题！豉椒调味刚好，食得出豆豉咸香同时唔会过浓，同条鳝完美配合，推荐！ 3️⃣秘制韭菜猪红 HKD68 呢个调味非常岩我心水，平时食开嘅猪红韭菜少不免油淋淋。但睇图就知佢油份唔算多，但味道一啲都唔差，调味刚好，唔会过咸同时够味，食落少一份邪恶感同时满足！推荐！  4️⃣鲜鸡肝 HKD28 呢度串烧非常有惊喜！鸡肝的确新鲜，甜甜带泥沙质感，喜欢食内脏嘅朋友唔好错过！推荐！  5️⃣羊肉串 HKD28 羊肉串食落微微膻香，肉质软身带甜