影片
更多
2021-06-22
37 浏览
《任食炸鸡无得顶🐣 》———————————————--呢间炸鸡专门店完全系我嘅最爱呀，早排又去咗食啦！餐厅位于铜锣湾，够哂方面。90分钟任食放题非常满足，只只都分量十足，而且好贴心咁起哂啲骨，每款炸鸡都皮脆不油腻，啖啖厚肉亦嫩滑🍗-今次我哋醒咗啦，专登留肚嚟食，战争力高咗，而且小店可以单点一件，咁就可以试多几款～💚芫荽炸鸡 ︰外皮香脆有荽味，芫荽中和油腻感，表面仲放上大量炸芫荽，由头「荽」到尾😆🤎浓蒜炸鸡：个人最中意嘅口味，不断encore！香蒜味浓，同炸鸡系绝配呀！💛黄金咸蛋炸鸡：炸鸡本身已经够哂邪恶，咸蛋酱微微起沙，黄油亦好香，相当惹味😋🧡蜜糖芥茉炸鸡：芥茉控必点，口感新颖，带微甜微辣，惹味高质😍-❤️墨西哥香辣焗鸡 ︰浓香墨西哥腌酱同样有惊喜，非常入味，而且肉质仍然保持湿润嫩滑👍🏻💛双重芝士焗鸡：Double Cheese啱哂芝士控，食落带有芝士浓郁嘅咸香～🧡蜜糖蒜香焗鸡：皮脆肉嫩，蜜糖带出蒜粒嘅香味，咸咸甜甜，食到我舔哂手指☺️💜 韩风紫菜焗鸡：韩式炸鸡风味十足，上面铺满紫菜，条零舍好味！-另外佢哋仲有好多小食选择，有水冷面、拌海蜇、泡菜、粟米等等。食到饱饱，就一定要叫啲饮品，嘢
———————————————-
-
呢间炸鸡专门店完全系我嘅最爱呀，早排又去咗食啦！餐厅位于铜锣湾，够哂方面。90分钟任食放题非常满足，只只都分量十足，而且好贴心咁起哂啲骨，每款炸鸡都皮脆不油腻，啖啖厚肉亦嫩滑🍗
-
今次我哋醒咗啦，专登留肚嚟食，战争力高咗，而且小店可以单点一件，咁就可以试多几款～
💚芫荽炸鸡 [期间限定]︰外皮香脆有荽味，芫荽中和油腻感，表面仲放上大量炸芫荽，由头「荽」到尾😆
🤎浓蒜炸鸡：个人最中意嘅口味，不断encore！香蒜味浓，同炸鸡系绝配呀！
💛黄金咸蛋炸鸡：炸鸡本身已经够哂邪恶，咸蛋酱微微起沙，黄油亦好香，相当惹味😋
🧡蜜糖芥茉炸鸡：芥茉控必点，口感新颖，带微甜微辣，惹味高质😍
-
❤️墨西哥香辣焗鸡 [期间限定]︰浓香墨西哥腌酱同样有惊喜，非常入味，而且肉质仍然保持湿润嫩滑👍🏻
💛双重芝士焗鸡：Double Cheese啱哂芝士控，食落带有芝士浓郁嘅咸香～
🧡蜜糖蒜香焗鸡：皮脆肉嫩，蜜糖带出蒜粒嘅香味，咸咸甜甜，食到我舔哂手指☺️
💜 韩风紫菜焗鸡：韩式炸鸡风味十足，上面铺满紫菜，条零舍好味！
-
另外佢哋仲有好多小食选择，有水冷面、拌海蜇、泡菜、粟米等等。食到饱饱，就一定要叫啲饮品，嘢饮系买一送一，我哋叫咗菊花蜜特饮同水蜜桃特饮都好大杯，解腻一流。而且subscribe咗app嘅pro，堂食仲有全单75折，好抵食😁
-
⭐ 参考价钱︰
炸鸡加Pizza放题： $128 （ 90分钟）
追加焗鸡+额外口味+pizza+小食放题：另加$28/每位
🍌 抵deal 指数：9/10
💰 人均消费：$200
张贴
