ATUM Restaurant (已結業)

有一次无意中见到呢间餐厅嘅tea set既相😍，好多款而且重点系好鬼靓呀，所以就同fd嚟试下。我哋每人叫咗一杯野饮，朋友中意薰衣草，我就好中意朱古力味。我叫𠮶杯系65%既朱古力，上面有粒棉花糖。呢杯朱古力好香滑，超浓朱古力味，比平时饮开既朱古力浓好多，甜味啱啱好。至于个主角就更加正，好大一盘，有甜有咸。d咸有蟹肉，三文鱼，款式好多，件件都整得好靓，好精致🤣，真系唔舍得食。朋友好中意佢既三文鱼同鹅肝，靓得嚟又好食。我个人就比较中意佢d甜品，件件都系我中意食既野😚，款式好多，而且细细件，食落去冇咁大罪恶感，又可以试唔同味，我哋2个一见到已经心心眼，加唔少分。朋友本身中意焦糖拖肥既甜品，正macaron就啱哂佢🤣，甜得嚟又唔漏，佢唔中意太甜都话好食。我就觉得佢件件maracon都好高质，本身以为绿色系抹茶，但原来系班兰!味道方面一d都唔输蚀比d专门店，一样咁好味。其他d甜品都好正，尤其系左边第二排，成个盒仔咁既，有拖肥味同柠檬味，2者都好正，我觉得我会为咗佢d甜品再去😚。