尚興潮州海鮮飯店 (已結業)

耐唔耐想食潮州菜都会黎上环既尚兴，店舖装修十年如一，好有粤语长片既感觉，旧式老派装潢，充满人情味既职员，餐后仲有绿豆清心爽送，好有心意！🦐干炸虾枣上台时系冻冰冰😢好明显系炸完摊左好耐！虾胶味道偏淡，加左唔少马蹄，入口更有层次，无一般炸物咁热气，亦都保留左潮式虾枣既特色。潮州甜酱甜度适中，配上清淡既虾枣更添风味！🥢豉椒炒花甲热辣辣炒起上台🔥花甲偏细只但份量搭够，吐沙干净，配上豆豉辣椒一齐炒，小小辣好惹味，配白饭或者潮州粥一流🥰🥄潮州红烧鱼翅汤头鲜美香浓，有小小回甘既味道！鱼翅系一条条，好似芽茶咁粗，口感滑溜，但唔系一排排，毕竟一分钱一分货😂另外将芫荽放入汤底，令到入口生色唔少！🦪姜葱桶蚝桶蚝甜甜地，应该系先用蜜汁腌一腌，再用大量姜葱爆香，镬气好够，而且蚝蚝既份量都多。价钱比其他热炒贵，但系用料，味道同份量都比较优胜！🪿潮州卤水🍲蚝仔粥📍尚兴潮州饭店上环皇后大道西29号地舖