泰拍耶

营业中

休息中

黄埔最特别既地标一定系船型商场，其实个商场唔止睇得，入面仲有好多美食，今次我去左Aeon style入面既泰拍耶，餐厅走时下既木系装修，轻松简约，加上绿草特色墙，令人耳目一新🤩🔺单骨鸡翼因为开边，再用蒜爆香，所以好香口，而且肉质唔会好干，鸡翼份量亦都够多，用黎做前菜好一流呀☺️泰式海南鸡就算半只都好大份，最重要既系佢上枱既时侯都仲系热辣辣㗎，鸡肉好滑同肉味好浓，仲要无骨，食落去啖啖都系肉呀⭐️🔺泰拍耶招牌泰式牛肉船河嘅汤有香浓既牛味，用料十足，金不换同香草味好出，肥牛，猪肉丸同炸猪皮互相配合，特别炸猪皮脆食又得，喺吸收左浓汤之后又另一种风味，河粉唔会散修修，原条食到尾，正呀😊🔺泰式生菜包好有惊喜，生菜劲新鲜，猪肉碎中间有啲肥猪肉，食落去特别香，加埋生菜黎食唔会好油腻，perfect match！🔺咸柠檬梳打我特别要求左走糖，因为我觉得咁饮会特别清新，果然无令我失望。姜茶饮落去姜味好突出，辣辣地咁，感觉好健康呀！