影片
更多
2024-01-22
66 浏览
酱香味烤鱼（凌波鱼）$298配大白菜 $30店员推荐凌波鱼冇咩细骨，食鱼唔算好叻嘅我哋就拣咗凌波鱼，的确系容易食嘅，但鱼肉就普通，食唔到鱼嘅鲜甜味。我哋仲加咗一份大白菜，店员上菜嘅时候话大白菜已经加咗系底，一开头比条烤鱼吸引住，系咁食鱼，食食下先醒起啲大白菜，揾匀成盘鱼，反埋条鱼，先揾到5片菜碎，但收我哋$30，定价完全唔合理。黑椒杏鲍菇 $48杏鲍菇味道唔错，仲好juicy，几好食。〰️〰️〰️〰️〰关于𠮶几片大白菜碎（有图：一只匙羹装得哂），我问店员：「系咪本身𠮶锅有少少大白菜，我另外加嘅菜系未落𠮶锅到？」店员答：「呢款酱香烤鱼系冇白菜㗎，你散叫嘅已经加咗落去，系咁少㗎。」然后佢指住锅里面嘅葱：「呢度咪有菜啰。」我唔肯定佢系咪试图鱼目混珠咁耍我，但佢仲同我讲啲菜煮得耐会溶，叫我嗌多一份$30嘅大白菜嚟睇下，就会知真系份量咁少⋯⋯（无言)之后我同经理倾，经理见到我锅里面𠮶几片菜碎，就即刻叫店员拎一碟大白菜比我哋，仲话：「唔系咁少㗎，唔好意思，可能厨房𠮶个今日第一日返工。」后尾嚟嘅大白菜份量我唔会话抵食，但至少系合理嘅。建议如果去试呢间餐厅，唔好一开头就话要加配菜，嚟咗条鱼先再另加会好啲，起码
酱香味烤鱼（凌波鱼）$298配大白菜 $30
店员推荐凌波鱼冇咩细骨，食鱼唔算好叻嘅我哋就拣咗凌波鱼，的确系容易食嘅，但鱼肉就普通，食唔到鱼嘅鲜甜味。我哋仲加咗一份大白菜，店员上菜嘅时候话大白菜已经加咗系底，一开头比条烤鱼吸引住，系咁食鱼，食食下先醒起啲大白菜，揾匀成盘鱼，反埋条鱼，先揾到5片菜碎，但收我哋$30，定价完全唔合理。
黑椒杏鲍菇 $48杏鲍菇味道唔错，仲好juicy，几好食。
〰️〰️〰️〰️〰
关于𠮶几片大白菜碎（有图：一只匙羹装得哂），我问店员：「系咪本身𠮶锅有少少大白菜，我另外加嘅菜系未落𠮶锅到？」店员答：「呢款酱香烤鱼系冇白菜㗎，你散叫嘅已经加咗落去，系咁少㗎。」然后佢指住锅里面嘅葱：「呢度咪有菜啰。」我唔肯定佢系咪试图鱼目混珠咁耍我，但佢仲同我讲啲菜煮得耐会溶，叫我嗌多一份$30嘅大白菜嚟睇下，就会知真系份量咁少⋯⋯（无言)之后我同经理倾，经理见到我锅里面𠮶几片菜碎，就即刻叫店员拎一碟大白菜比我哋，仲话：「唔系咁少㗎，唔好意思，可能厨房𠮶个今日第一日返工。」后尾嚟嘅大白菜份量我唔会话抵食，但至少系合理嘅。
建议如果去试呢间餐厅，唔好一开头就话要加配菜，嚟咗条鱼先再另加会好啲，起码佢另外上比你，就唔洗怀疑究竟系个锅本身有，定系份量真系咁少🥲
平心而论，餐厅食物味道唔差，烤鱼系好香好惹味嘅，但配菜就⋯⋯
餐厅嘅装潢系走型格风，用哂红色嘅灯，行cyber路线？但其实啲灯搞到我睇餐牌都有啲难度，系手机扫code睇menu反而清晰啲。
另外值得一提嘅系，餐厅嘅抽风系统唔够，一入去就已经闻到好大阵烤鱼味，食完都系原汁原味咁行返出嚟，行街行成日都未散到阵烤鱼味。如果介意自己全日都系烤鱼味嘅话，建议唔好嚟😅
〰️〰️〰️〰️〰️
食物: 4/5
性价比: 2.5/5
环境: 1.5/5
服务: 1.5/5
Revisit: No
张贴
