影片
更多
2018-09-22
351 浏览
同朋友响北角揾食，咁岩见到呢间几靓几特别嘅西餐厅就冲左入去食，抱住一试无妨嘅心态，希望冇中伏。入到去我会以为呢间餐厅系食环境嘅，因为佢成个环境好欧陆风情😆而且系以火车做主题，好多火车同埋木制嘅装饰，感觉上似返咗去六七十年代嘅美国咁样，好有怀旧feel，好啱饮返两杯啤酒食小食。环境系几靓，但系重点我好肚饿，同埋我不饮酒的，都有啲担心佢啲嘢食会否好食，见到有啲晚餐精选，于是我和朋友点了一个二人餐，包左小食主菜餐汤甜品同埋饮品，多谢承惠$398 加一。餐汤方面系两碗周打鱼汤，味道唔算好浓，唔算好多料，不过不失。小食方面我哋拣咗小城镇炸鸡翼，新鲜炸起趁热食最正，一份有六只，不过我略嫌佢细只咗啲。主食我哋叫咗10安士安格斯西冷牛扒配薯条，我哋叫咗烧汁和六成熟，首先要讲下佢啲牛扒真系煎得几好，六成熟啱啱好，而且食得出块牛扒好靓，出面煎封锁住肉汁，切开中间粉嫩！容易切，咬落去亦都唔痴牙好嫩口，叫人一口接一口！牛扒配嘅薯条亦都非常出色，佢系切到粗长方形的薯条， 出面比较少见，外脆内软，食完呢份牛扒餐好满足呀！👍👍😋跟住嘅主菜就系佢招牌嘅猪肌骨，佢系配系薯角，有两大块猪肋骨好巨大, 切开每人起码食到六七
同朋友响北角揾食，咁岩见到呢间几靓几特别嘅西餐厅就冲左入去食，抱住一试无妨嘅心态，希望冇中伏。
入到去我会以为呢间餐厅系食环境嘅，因为佢成个环境好欧陆风情😆而且系以火车做主题，好多火车同埋木制嘅装饰，感觉上似返咗去六七十年代嘅美国咁样，好有怀旧feel，好啱饮返两杯啤酒食小食。
环境系几靓，但系重点我好肚饿，同埋我不饮酒的，都有啲担心佢啲嘢食会否好食，见到有啲晚餐精选，于是我和朋友点了一个二人餐，包左小食主菜餐汤甜品同埋饮品，多谢承惠$398 加一。
餐汤方面系两碗周打鱼汤，味道唔算好浓，唔算好多料，不过不失。小食方面我哋拣咗小城镇炸鸡翼，新鲜炸起趁热食最正，一份有六只，不过我略嫌佢细只咗啲。
小城镇炸鸡翼
41 浏览
0 赞好
0 留言
主食我哋叫咗10安士安格斯西冷牛扒配薯条，我哋叫咗烧汁和六成熟，首先要讲下佢啲牛扒真系煎得几好，六成熟啱啱好，而且食得出块牛扒好靓，出面煎封锁住肉汁，切开中间粉嫩！容易切，咬落去亦都唔痴牙好嫩口，叫人一口接一口！牛扒配嘅薯条亦都非常出色，佢系切到粗长方形的薯条， 出面比较少见，外脆内软，食完呢份牛扒餐好满足呀！👍👍😋
10安士安格斯牛扒
22 浏览
0 赞好
0 留言
跟住嘅主菜就系佢招牌嘅猪肌骨，佢系配系薯角，有两大块猪肋骨好巨大, 切开每人起码食到六七条ribs, 上面嘅烧烤酱朋友话好似麦乐鸡𠮶只BBQ酱味，烧得都好好味好juicy嘅，不过我整体钟意牛扒餐多啲！😋😋😋可能我个人唔系咁钟意损骨😆
招牌猪肋骨
25 浏览
0 赞好
0 留言
跟住嘅甜品真系令我有啲惊喜，我哋拣咗草莓奶冻同埋时令鲜果奶冻各一，我哋以为佢会好Hea咁上，点知佢将两个果冻好靓咁摆盆，仲沈左啲糖霜点缀，好精致咁上台，真系超靓，打卡呃like 一流👍重点系好睇又好食，个奶冻淡淡的唔会太甜而且有几有奶味！主菜之后上刚刚好可清新解腻😋
草莓奶冻和时令水果奶冻
32 浏览
0 赞好
0 留言
餐饮都不过不失几正常，朋友饮嘅热奶茶觉得有珍珠奶茶嘅味道，几搞笑😂
呢餐出乎意料嘅惊喜㖞，除咗环境靓，食物分量大又够靓之余，味道仲要唔错！又唔算好贵每人除返开都系$200度，真系几难得，可见到老板开呢间铺都真系花咗唔少心思，希望佢保持到水准啦！👍👍😆
______________________________
店名: 小城镇 (北角)
环境🏝：8.5/10
服务💁🏼♀️：8/10
价钱💰：7/10
食物质素🍝： 8.5/10
整体🙆🏻♂️：8/10
地址:
北角明园西街2-6号明苑中心地舖
张贴
