Romanne Leisure Food Concept (砵蘭街) (已結業)

其實呢間之前喺其他分店食過🙈，覺得味道唔錯，所以今次帶媽咪去食個lunch。午市套餐有餐湯或者沙律揀，我哋揀咗餐湯，當日係蕃茄湯，蕃茄味道都幾濃郁。忌廉菠菜蟹肉粗管通粉其實我好鍾意食呢類嘅意粉，因為極索汁。而呢一款強力推薦大家叫，因為真係超好食，好多一絲絲蟹肉，忌廉又唔會過漏，醬汁調教得好好，推薦！椰香咖喱燴春雞煙肉配薯菜我幾欣賞佢啲配菜，因為佢係有烤過而唔係就咁白烚，而且仲烤得幾靚。佢個咖喱汁係偏日式嗰種，我通常用嚟點薯菜，因為佢個烤雞就咁食都有味道。個烤雞本身都有調味，而且佢雞肉好嫩滑，唔會覺得鞋。我哋另外再加錢叫咗1杯咖啡同1杯朱古力，2杯都有拉花，幾有心思。聽講呢間甜品都唔錯，有機會再嚟試吓。