烤魚工房 (南天大厦) (已搬遷) 新店位置

平时我都钟意朋友返大陆食探鱼，贪佢啲鱼大大条有冇骨，不过下下要返大陆又真系几麻烦，知道元朗开咗一间类似探鱼嘅烤鱼工房，急不及待要去试！佢嘅烤鱼食法真系同探鱼差唔多，同样系烤鱼下面会有一啲材料，你可以再另外叫一啲材料加下去，类似打边炉。口寡寡突然间好想食酸菜鱼，听姐姐讲话江团鱼比较少骨，于是我哋就点左蒜香酸菜味嘅江团鱼（$288）。然之后可以拣啲配料我就拣咗冻豆腐同金针菇，再加多个出前一丁，每款配料都系$16，但系之后再加就要$20了。在等待烤鱼的时间，我哋还点左一啲烧烤同埋饮品，烤茄子（$32）系我每次必食烧烤嘅首选，喺呢度都烤得几好味！👍厚烧牛脷串$36有两串四片都几抵，而且加上孜然粉更有烧烤风味！烧墨鱼仔($28)都几新鲜，不过脆烧鳗鱼（$36）就有少少失望，可能外面嘅味料太多唔系好食到鳗鱼嘅味道。另外我哋嗌左两杯饮品，一杯系荔枝特饮色彩非常鲜艳，令一杯系百香果多多，呢杯几好饮㖞！大概过咗15分钟，我哋点的烤鱼上枱了！条江团鱼嘅size非常之大上面铺满左酸菜同埋蒜头，闻到就非常之香，食落酸菜嘅味道唔系话十分之酸，不过味道都唔错。而鱼嘅肉质非常鲜嫩，真系啖啖肉，而且食得出条鱼非常新鲜