Boring?! (黃埔天地美食坊) (已結業)

虽然佢叫Boring🤣，但啲野食都唔boring，今次同朋友叫咗两个餐，分别配咗杯饮品、餐汤同埋沙律。热情果薄荷茶酸酸甜甜，几开胃。热情果味好香，我哋都几钟意。餐汤当日餐汤系蕃茄汤😍，超推荐，劲重蕃茄味，好浓味，配埋蕃茄蒜蓉法包一齐食好正。温泉蛋带子黑松露沙律佢真系做到温泉蛋嘅质地😌，蛋黄好橙好正，带子都几好食。黑松露薯条（$4️⃣8️⃣）佢系粗薯嚟，炸得都算香口，中间仲有薯蓉，都唔错。黑松露酱都几浓味，食到黑松露味，酸酸咸咸咁，唔错。法式慢煮星斑鱼柳拼珍宝虎虾（$2️⃣6️⃣6️⃣）珍宝虎虾都真系几大🤣，几弹牙，仲有少少虾膏🤪，正。条鱼几厚吓，个皮又烧得几脆，可能因为条鱼比较厚，所以肉质比较实净，不过佢又够味㖞，仲要几入味。德国脆皮咸猪手配蜜糖芥末籽汁（$2️⃣3️⃣8️⃣）朋友叫咗咸猪手食，超大碟，绝对可以两个人share。一上碟就觉得好满意，好细心切好一件件，方便享用😋。猪皮超脆，配埋酸椰菜同蜜糖芥末籽汁几夹，酸酸甜甜，好开胃。猪肉咸度刚刚好，肉质嫩滑。