Bougel Cafe & Bakery

营业中

休息中

由华都商场开店已帮衬她们嘅面包🥯，每次都系外卖，今次嚟到佢哋位于安定嘅新店，试吓坐低慢慢品尝佢哋嘅意粉同埋咖啡，今次叫咗拿玻里德国肠意粉，意粉煮得啱啱好酱汁特别易入口，德国肠唔会太咸几好味，餐汤系薯仔蘑菇忌廉汤（如果可以大碗啲就好）另外加咗杯细嘅紫薯鲜奶咖啡（有画花🌲🐱）味道都几好（如果可以再多少少紫薯粉就更正喇！离开嘅时候，不忘买面包做早餐。总括嚟讲，需然呢间小店环境比较小可能要排队等候（不过个人觉得系值得），今次试完佢哋嘅食物同服务，真心比赞👍🏻！试得到佢哋每样食物都系充满诚意同用心去做（唔会揸流摊），值得推荐比大家去试吓。😊特别要提一下✨，呢间小店服务真系好好👍🏻，就系我准备睇紧食咩嘅时候，见到有位用餐完毕嘅伯伯即将起身离开，佢哋二话不说即刻走去扶住伯伯慢慢行（系拖实的！😃）画面好有爱🥰，其实当时都系烦忙时段，但服务员冇因为忙而唔理伯伯，呢点真系好值得大家学习！加油💯👍🏻！