Star Kitchen (已結業)

《在葵芳默默闪烁的星厨》葵广最近大翻新，进驻左唔同嘅手卷、小食、饮料店等等……令葵芳嘅「食力」提升唔少。连锁店固然可以食到稳定嘅水准，但系始终欠缺小店可以给予嘅惊喜。今晚就系葵芳医一医肚，拣选左星厨呢一间西餐厅去一探虚实。店内位置唔多，虽然今日系星期日，好彩撞岩时间都唔系好洗等位，好快大概20分钟左右就可以入坐。首先值得一赞嘅系店员会提住我地位置嘅情况，令我地等得安心同时，餐厅又可以留住食客。今日去试嘅系厨师推介嘅哥伦布猪鞍架配上薯菜，猪鞍系即叫即整的，落单后需要等10-15分钟。其间可食住沙律，饮住餐汤慢慢等。一饮，餐汤系第一样令我觉得唔可以错过嘅，因为可以试得出忌廉汤中带微酸嘅蕃茄味道，为上主菜前呢一后时间增添左一丝丝期待。到左主菜上场喇，果然不负所望，我拣嘅系蒜蓉汁，非常惹味。肉质咬落去非常厚实，但又不失松软口感。牙齿同猪鞍交集嘅一刻，你仲会发现到中间夹杂左一阵阵咸香涌出黎，原来猪鞍中间细心地夹住一层芝士加火腿，令口感更上一层。除左主菜之外，另外依家set dinner仲可以加$38蚊另点一客鹅肝多士，味道不俗，上台时鹅肝仲泛起亮丽嘅油光，令人垂涎欲滴。