韓閣 (已結業)

黄大仙元朗都好多嘢食㖞，一于食呢间韩国餐厅先♥️紫菜肉松蛋卷，紫菜够脆，肉松甜甜地，加埋蛋既熟度岩岩好，蛋味好香。冻柠檬水大大杯劲吸晴，你点估到冻柠水竟然用大大既酒杯装。爆酱黑豚猪仔骨锅热㷫㷫，猪仔骨惹味，加埋大量蔬菜熬制，个汤底好浓味，食嚿猪仔骨再饮啖汤。水梨牛展水冷面酸酸微微咁劲开胃，牛展味道好浓，而且面既咬口感好烟韧，份量又大份，真系饱肚之选。脆脆疯薯棒，劲有夜市feel，口感咬落似薯皇，加埋韩式既调味粉，味道够出！绿茶红豆乳酪冰劲大份，我觉得甜度都足够，大大座既冰山，当然好物沉归底，牛奶入面有清凉既仙草同乳酪爆珠，用呢个甜品黎收尾真系岩岩好。