影片
更多
2019-03-02
993 浏览
朋友生日，见佢钟意食泰国菜，就同佢嚟左大角咀呢间网上啲人话唔错嘅泰国菜庆祝生日🎂佢嘅位置都几方便，喺奥运站一落去就见到的博文街，原来就系我上次去嘅走肉朋友隔离， 超级易揾！佢嘅内部装修有别于一般嘅泰式餐厅，佢似新派餐厅简洁干净为主，反而佢入面嘅侍应好似个个都系泰国人，先至令我感觉到是泰式餐厅。佢菜单嘅选择都几多而且唔算好贵，最正系佢每一日有一个一蚊优惠，我哋𠮶日去系星期三夜晚，当晚嘅优惠是泰式明炉蒸乌头，价值$162，睇返其他嘅每日一蚊优惠原来系今日最贵，其他嘅都系$100以下！赚咗百几蚊好开心😝朋友嘅生日真识拣！佢嘅乌头肉质都算几新鲜，而且都几肥美，加上汤汁酸酸辣辣好开胃，做得几地道！跟住我哋重点左泰式拼盘$139， 拼盘入面有虾饼，鱼饼，香叶包鸡和春卷各两件，本来对于呢啲拼盘都冇乜特别期望，因为来来去去都系咁上下，但系佢呢度嘅拼盘真系令我觉得有分别，佢嘅虾饼鱼饼炸得唔会太干身，真系可以用juicy 去形容, 唔会好似出面𠮶啲炸到干真真，春卷中间嘅馅超饱满，真系唔会Hea你。呢个泰式拼盘好高分！食泰国嘢我一定会点串烧！我哋拣咗杂锦串烧($79)，即系猪牛鸡各两串一共半打，维返$13一
朋友生日，见佢钟意食泰国菜，就同佢嚟左大角咀呢间网上啲人话唔错嘅泰国菜庆祝生日🎂
佢嘅位置都几方便，喺奥运站一落去就见到的博文街，原来就系我上次去嘅走肉朋友隔离， 超级易揾！佢嘅内部装修有别于一般嘅泰式餐厅，佢似新派餐厅简洁干净为主，反而佢入面嘅侍应好似个个都系泰国人，先至令我感觉到是泰式餐厅。
佢菜单嘅选择都几多而且唔算好贵，最正系佢每一日有一个一蚊优惠，我哋𠮶日去系星期三夜晚，当晚嘅优惠是泰式明炉蒸乌头，价值$162，睇返其他嘅每日一蚊优惠原来系今日最贵，其他嘅都系$100以下！赚咗百几蚊好开心😝朋友嘅生日真识拣！
明炉乌头
$1
28 浏览
0 赞好
0 留言
佢嘅乌头肉质都算几新鲜，而且都几肥美，加上汤汁酸酸辣辣好开胃，做得几地道！
泰式拼盘
$139
18 浏览
0 赞好
0 留言
跟住我哋重点左泰式拼盘$139， 拼盘入面有虾饼，鱼饼，香叶包鸡和春卷各两件，本来对于呢啲拼盘都冇乜特别期望，因为来来去去都系咁上下，但系佢呢度嘅拼盘真系令我觉得有分别，佢嘅虾饼鱼饼炸得唔会太干身，真系可以用juicy 去形容, 唔会好似出面𠮶啲炸到干真真，春卷中间嘅馅超饱满，真系唔会Hea你。呢个泰式拼盘好高分！
杂锦串烧
$79
24 浏览
0 赞好
0 留言
食泰国嘢我一定会点串烧！我哋拣咗杂锦串烧($79)，即系猪牛鸡各两串一共半打，维返$13一串价钱好合理，食得出串烧即叫即烧，同样高质👍肉质鲜嫩唔会太干身！配埋佢只沙嗲酱食相当惹味！
蚝仔煎蛋
$89
21 浏览
0 赞好
0 留言
见到佢有铁板蚝仔蛋($89)即刻忍唔住要点一份！要知道蚝仔炒蛋系我嘅至爱，不过唔系度度炒得好食，我好开心佢地唔系蚝饼质地，同样又系好多蚝仔，不过之后就细粒左少少，不过蛋炒得够香够滑就算佢啦！
咖哩海鲜包
$142
13 浏览
0 赞好
0 留言
最后我地点左个海鲜咖喱包（$142）个包焗得够香脆，海鲜正常，不过我略嫌啲咖喱就甜左少少，冇我想像中𠮶只香浓惹味。
椰青
17 浏览
0 赞好
0 留言
整体来讲呢间泰式餐厅算高质，我同朋友觉得佢每样野都好味，同埋唔伏，系出错有啲慢可能厨师真系精心去制作每一道𩠌所致👍不过慢工出细货我都明嘅，好过有啲餐厅极速上菜但系煮得拿西🙈
——————————————————
店名：Orange Elephant Thai Restaurant
环境🏝：8.2/10
服务💁🏼♀️：8/10
价钱💰：8/10
食物质素🍝：8.3/10
整体🙆🏻♂️：8.2/10
地址:
大角咀博文街42号
张贴
