影片
更多
2018-10-21
1115 浏览
《大食仔无老点》性价比 - 极高大食仔希望可以介绍香港性价比高嘅餐厅俾大家。作为第一篇食评，私心介绍呢间系大角咀嘅隐世西餐俾大家。首先要介绍佢嘅位置，系汇丰对面横街，相信得附近返工或者住附近嘅人先会留意到。再加上佢平平无奇传统西餐嘅外表，好似好贵嘅价钱，行过都无乜吸引力。但 事实完全唔系咁！成间餐厅只有大厨同厅面两位同事咁多。但 成幅墙都系餐牌！选择之多难以想像。一间只有大概三十个位嘅舖有咁多野食，仲要高质？咪傻！大食仔无老点啦！今晚四个人食饭，小小地叫左两个汤，两个小食，一个意粉，两个甜品，加一枝啤酒够唔够食？话您知，饱到懵左！汤 - 洋葱汤、牛肝菌汤新鲜滚热辣既系浓郁洋葱汤，汤既面放左焗到辣嘴既法包，加埋拉丝芝士。牛肝菌汤系足料浠身，基本上成个底都系牛肝菌，由于怕太饱，今次冇加到酥皮，但信我，食得落嘅一定加！小食 - 鹅肝多士、FISH & CHIPS鹅肝香味同油份加埋多士一齐，满足啦，仲可以系咩？虽然个鹅肝有小小overcooked，但仍然系好香。FISH & CHIPS 份量大，粉浆够薄，摆左一阵都仍然好脆，高质。意粉 - 羊肠羊肉肉酱意粉叫之前系有小小担心，始终羊肉点都会有膻
大食仔希望可以介绍香港性价比高嘅餐厅俾大家。作为第一篇食评，私心介绍呢间系大角咀嘅隐世西餐俾大家。
首先要介绍佢嘅位置，系汇丰对面横街，相信得附近返工或者住附近嘅人先会留意到。
再加上佢平平无奇传统西餐嘅外表，好似好贵嘅价钱，行过都无乜吸引力。
但 事实完全唔系咁！
成间餐厅只有大厨同厅面两位同事咁多。
但 成幅墙都系餐牌！
选择之多难以想像。一间只有大概三十个位嘅舖有咁多野食，仲要高质？
咪傻！大食仔无老点啦！
今晚四个人食饭，小小地叫左两个汤，两个小食，一个意粉，两个甜品，加一枝啤酒
够唔够食？话您知，饱到懵左！
汤 - 洋葱汤、牛肝菌汤
新鲜滚热辣既系浓郁洋葱汤，汤既面放左焗到辣嘴既法包，加埋拉丝芝士。
牛肝菌汤系足料浠身，基本上成个底都系牛肝菌，由于怕太饱，今次冇加到酥皮，但信我，食得落嘅一定加！
小食 - 鹅肝多士、FISH & CHIPS
鹅肝香味同油份加埋多士一齐，满足啦，仲可以系咩？
虽然个鹅肝有小小overcooked，但仍然系好香。
FISH & CHIPS 份量大，粉浆够薄，摆左一阵都仍然好脆，高质。
意粉 - 羊肠羊肉肉酱意粉
叫之前系有小小担心，始终羊肉点都会有膻味，仲要肉酱，绝对系破格尝试！
上枱一开盖，传出黎嘅竟然唔系膻，系香味！
食落系好轻微羊膻，食得羊嘅人一定接受到。
岩晒想食肉酱意粉但又唔想咁闷成日食牛嘅人！
甜品 - 番红花西多士伴雪糕、朱古力批
朱古力批，本身批底唔甜够滑，加埋柠檬一齐食，成功减低饱腻感觉，4个人一人几啖，K.O.！
等左45分钟，万众期待，新鲜热辣多士出场！
多士卖相一般，胜在新鲜炸起，外脆内软都唔止，系外脆内滑！
多士沾满番红花忌廉，一炸起配埋movenpick雪糕，一冷一热，又系另一种享受！
听老板讲，呢款甜品唔系日日有，想试嘅朋友可以试下book枱果阵问下。
张贴
