影片
更多
2019-07-16
272 浏览
是晚约咗长辈级的食饭就拣间中菜啦！我上网揾左一轮见到太子呢间中菜馆，啲人推话小菜够锅气又坐得舒服，一于就呢一间啦。场内嘅环境的确感觉几舒服同埋新净，装修几新潮的感觉，一个食中菜就去老饼酒楼或大排档嘅固有印象。而且带朋友嚟呢度食一啲都唔失礼！食中菜最紧要新鲜同有镬气，我都在乎佢够唔够份量，因为长辈想食鱼头，我地点左个锅烧姜葱水库鱼头($138), 讲真纯粹为咗敬老先点呢个鱼头, 因为我真系唔识食的鱼头𠮶种人。碟鱼头上到嚟我嘅第一印象系好香😍，我再尝试去拣啲肉嚟食，真系冇乜肉，但系食食吓佢的骨又真系几香，佢将成个大鱼头开边炸到香脆，再配以姜葱佢炆佢，镬气和味道都10分，但系我都仲系唔识得论骨，长辈对呢道𩠌嘅评价十分高，佢话个鱼云好好食而且最贵系佢。ok fine , 长辈开心就好了😆跟住我就点返一啲我钟意食嘅嘢啦，就系椒盐一字骨($88)，食得出佢嘅一字骨腌得好入味再拎去炸，再去椒盐，睇起上嚟有啲干，但食起上嚟却是好juicy会爆汁𠮶只，啖啖肉幼又易甩骨，因为佢新鲜热辣炸起拎上嚟，虽然好热气，但系好好食！👍食咗咁多炸嘢同埋肉，要食返啲菜，我地点左个上汤粉丝什菜煲($88), 超级大煲有成四
是晚约咗长辈级的食饭就拣间中菜啦！我上网揾左一轮见到太子呢间中菜馆，啲人推话小菜够锅气又坐得舒服，一于就呢一间啦。
场内嘅环境的确感觉几舒服同埋新净，装修几新潮的感觉，一个食中菜就去老饼酒楼或大排档嘅固有印象。而且带朋友嚟呢度食一啲都唔失礼！
食中菜最紧要新鲜同有镬气，我都在乎佢够唔够份量，因为长辈想食鱼头，我地点左个锅烧姜葱水库鱼头($138), 讲真纯粹为咗敬老先点呢个鱼头, 因为我真系唔识食的鱼头𠮶种人。碟鱼头上到嚟我嘅第一印象系好香😍，我再尝试去拣啲肉嚟食，真系冇乜肉，但系食食吓佢的骨又真系几香，佢将成个大鱼头开边炸到香脆，再配以姜葱佢炆佢，镬气和味道都10分，但系我都仲系唔识得论骨，长辈对呢道𩠌嘅评价十分高，佢话个鱼云好好食而且最贵系佢。ok fine , 长辈开心就好了😆
跟住我就点返一啲我钟意食嘅嘢啦，就系椒盐一字骨($88)，食得出佢嘅一字骨腌得好入味再拎去炸，再去椒盐，睇起上嚟有啲干，但食起上嚟却是好juicy会爆汁𠮶只，啖啖肉幼又易甩骨，因为佢新鲜热辣炸起拎上嚟，虽然好热气，但系好好食！👍
食咗咁多炸嘢同埋肉，要食返啲菜，我地点左个上汤粉丝什菜煲($88), 超级大煲有成四五种菜仲有菇几抵食！
最后主食方面我哋拣咗福气炒饭（$98），侍应话即系福建炒饭，几钟意佢上面铺满了虾，鸡肉，冬菇和菜心粒，再加埋炒底系几典型嘅福建炒饭，如果有埋带子就完美啦！
问返长辈意见佢哋称赞呢度嘅大厨有啲料到，佢哋都觉得唔使下下话去酒楼食中菜，加上呢度又有冷气环境又唔错，味道同埋镬气拍得住大排档，最紧要系价钱都几实惠，我哋三个人食饱饱都系食咗四百几蚊咋👍👍😋
———————————————————
店名：有囍
环境🏝：8/10
服务💁🏼♀️：7/10
价钱💰：7.5/10
食物质素🍝: 8/10
整体🙆🏻♂️：7.8/10
地址:
太子花园街232-242号礼贤大厦地下K-M舖
张贴
