Street Bomber

营业中

休息中

顺路去多多，结果无意间发现呢间小食店，买咗啲外卖返去食紫菜山鱿鱼须我真系冇谂过拎到返屋企都仲系好脆！佢啲紫菜超多，而且啲紫菜仲有芝麻，食落多一层口感。鱿鱼须份量都几多，炸得好香脆，同紫菜好夹。蔬菜拼盘佢入面有芋头、番薯、翠玉瓜同埋茄子。炸粉唔会太厚，同时佢唔会炸到好干，食翠肉瓜时仲爆汁🤣🤣🤣，我哋拣咗蜜糖芥茉酱嚟点，好好食！避风塘韩国蚝一共有六只，啲蚝仲有肉汁喺入面，几juicy，估唔到仲有呢种食法，唔错。牛肉糖心蛋紫菜拌饭最后叫咗个主食，牛肉酱汁都好多好入味，但系最令我难忘系𠮶只糖心蛋🤭。平时食𠮶啲糖心蛋都好唔入味，但佢呢个系连蛋黄都入晒味，蛋黄仲可以嚟捞饭，好想食多几只蛋🤣，大家真系要试吓佢嘅糖心蛋！估唔到呢间小店都比到几大嘅惊喜我，糖心蛋同埋鱿鱼须我觉得最好食😋，如果下次再去我会试埋韭菜虾饼同埋鸡翼🥺，今次个胃放唔到咁多。