六合小廚 (已結業)

其实我好少去尖沙咀广东道呢条名店街，一系我冇钱买名牌，二系太多自由行，三系因为我估计𠮶度都冇乜好嘢食，唔通食银包手袋咩？但事实系原来𠮶度有栋building, 楼上竟然开满餐厅，仲要系港式茶餐厅，咁特别的咁我就拣咗呢一间六合小厨试吓。其实入到去同一般环境同餐牌上面的食物嘅港式茶餐厅大同小异，咁我们当然选自己喜欢的食物，好似咖哩牛腩饭，海南鸡饭，招牌牛四宝车仔面，和见到我至爱的薯仔牛柳粒😍唔讲唔觉我哋不约而同点左几样食物都关牛事🤣睇嚟茶餐厅中牛占咗一个好重要嘅位置😂咖哩牛腩饭($56)系典型嘅港式咖喱，有三四条坑腩和牛筋，都算不过不失。海南鸡饭($60)我哋拣咗鸡髀加$10，望上去就好靓好想食呀，不过朋友第一啖食落去就话：「咦乜有骨嘅？」因为平时食开无骨海南鸡饭🤣好搞笑，鸡嘅肉质都算鲜嫩，系美中不足因为有骨🤣招牌牛四宝车仔面（$78），有牛腩牛肚牛肠和牛筋，几大豌份量都算几足，牛筋同牛肚都几爽，牛肠粉粉地几特别，加埋佢嘅秘制辣汁都唔错。到我至爱的薯仔牛柳粒（$88）佢呢度系用牛腩粒，每粒牛腩粒炸得香脆，薯仔亦都煎得好香，有大排档嘅风味。总括而言都算系一间称职嘅茶餐厅，特别的地方系佢是楼上