金囍冰室

营业中

休息中

踩完单车攰到不得了，于是乎求其揾间餐厅食饭就算。餐厅座位有卡位，位置都算舒服，茶记嚟讲算系咁。.「海南鸡饭」（师父靓汤、油饭）$68🍽：叫完个餐先知唔包嘢饮，有啲后悔⋯😂鸡嘅份量都多，而且部位系鸡髀位，肉质ok算滑，但完全食唔到有味，就算我系咁落啲酱都系无咩味。😅「安格斯肉眼扒餐」98🍽：上菜时铁板「炸炸声」，块扒好大，但切落有根，同埋偏熟，配菜都好多，味道还好。呢间啲职员态度认真麻麻，一入去餐厅，有个职员可能只负责收钱，眼尾都唔望下你，我唯有自己问系咪随便坐就得。🤷🏻‍♀️另外，当我哋食饱后，有职员嚟执走啲嘢，整跌成条意粉落我男朋友度，个袋污糟咗，但个职员一句唔好意思都无。🙄