影片
更多
2023-03-16
41 浏览
香港人一年四季都钟意打边炉，坊间可供选择嘅非常多。衬住呢几日天气仲凉凉哋，去返一直都有食开，性价比唔错嘅《616》食牛肉火锅。🐂最近佢哋推出咗个「信州和牛」系列，主打亲民价钱就食到日本长野县直送到港嘅「信州和牛」，两百几蚊就有「特选和牛盛」，三个唔同部位嘅和牛，仲送多碟「澳洲五花趾」，几抵食，啱晒有选择困难嘅人。落晒单就紧系立即混个酱料，店入面嘅酱料非常齐全，特别推介柑桔仔，令成个酱汁有果香之余，佢嘅酸味又醒胃又可以去油腻，食多几碟牛都无咁易滞。落单无耐汤底好快就上到，今次叫咗酸菜牛骨鸳鸯汤底，身为一间牛肉火锅，牛骨清汤可以话系一定要试，《616》嘅牛骨汤，牛味浓得嚟又唔会太咸，识得加，一定要加埋芫茜葱当清汤饮。而酸菜汤够酸够辣又唔会太油，平时钟意食酸菜鱼嘅可以一试。👍🏼上餐嘅速度都好快：信州和牛赤身：虽然叫赤身，但可能系和牛嘅关系，脂肪油花都唔少，肉味重之余亦都唔会嚡口；信州和牛肩胛：牛脂最多，牛油香味重；信州和牛腹肉：一层肉一层脂肪咁间住，味道层次最丰富，牛肉味同牛油味亦都最平均。⭐另外私心推介：花雕醉牛：好浓嘅花雕酒香而唔会有酒嘅苦，嫩滑入味；胸口膀：其实系牛胸嘅一层脂肪，爽口、
香港人一年四季都钟意打边炉，坊间可供选择嘅非常多。衬住呢几日天气仲凉凉哋，去返一直都有食开，性价比唔错嘅《616》食牛肉火锅。🐂
最近佢哋推出咗个「信州和牛」系列，主打亲民价钱就食到日本长野县直送到港嘅「信州和牛」，两百几蚊就有「特选和牛盛」，三个唔同部位嘅和牛，仲送多碟「澳洲五花趾」，几抵食，啱晒有选择困难嘅人。
落晒单就紧系立即混个酱料，店入面嘅酱料非常齐全，特别推介柑桔仔，令成个酱汁有果香之余，佢嘅酸味又醒胃又可以去油腻，食多几碟牛都无咁易滞。
落单无耐汤底好快就上到，今次叫咗酸菜牛骨鸳鸯汤底，身为一间牛肉火锅，牛骨清汤可以话系一定要试，《616》嘅牛骨汤，牛味浓得嚟又唔会太咸，识得加，一定要加埋芫茜葱当清汤饮。而酸菜汤够酸够辣又唔会太油，平时钟意食酸菜鱼嘅可以一试。
👍🏼上餐嘅速度都好快：
信州和牛赤身：虽然叫赤身，但可能系和牛嘅关系，脂肪油花都唔少，肉味重之余亦都唔会嚡口；
信州和牛肩胛：牛脂最多，牛油香味重；
信州和牛腹肉：一层肉一层脂肪咁间住，味道层次最丰富，牛肉味同牛油味亦都最平均。
⭐另外私心推介：
花雕醉牛：好浓嘅花雕酒香而唔会有酒嘅苦，嫩滑入味；
胸口膀：其实系牛胸嘅一层脂肪，爽口、油味浓而不腻，可以夹住一旧较瘦嘅牛肉一齐食，令成件事升华。
今晚餐饭，人均两百几蚊可以食到唔同部份嘅牛，味道好，店员嘅服务都到位，识得主动为客人加汤、清理枱面，又会向客人解释同建议唔同牛部位嘅分别同食法。呢口价食到呢种质素，可以话系平民牛肉火锅嘅代表。
4 浏览
0 赞好
0 留言
特选和牛盛
2 浏览
0 赞好
0 留言
2 浏览
0 赞好
0 留言
3 浏览
0 赞好
0 留言
5 浏览
0 赞好
0 留言
5 浏览
0 赞好
0 留言
张贴
