影片
更多
2022-06-24
91 浏览
《新登场厨师发办🏮》———————————————-#昶 🇯🇵-最近同事推荐咗喺公司附近呢间新开嘅高质日本菜，餐厅以木系设计为主轴，装修非常精致优雅，充满日式风味🏯餐厅除左厨师发办，更设有VIP房，有埋铁板烧添～-呢款握寿司午餐厨师发办十分丰富，包咗前菜、沙律、茶碗蒸、手握寿司十二贯、卷物、汤及甜品，超级满足😆-店员嘅服务态度相当嘅好，准备口罩套、不断添茶同收拾餐具等等都照顾周到，非常贴心，厨师亦十分亲切同热情，介绍非常清晰☺️-🇯🇵 前菜先嚟炸鳢鱼天妇罗配搭自家梅子酱同洋葱蓉，佢系来自关西地区嘅高级鱼，口感清新🥰 而茶碗蒸布满蟹肉丝，高汤同滑蛋嘅比例得宜，上面仲有金箔作点缀，格外高级🌟 沙律当中嘅莲芋片几特别，比较少见，非常爽脆，芝麻酱口感清新，十分开胃🥗-🇯🇵 手握寿司十二贯寿司嘅安排好有层次，配搭得宜😎 睇住大厨喺面前表现刀功同握寿司嘅手法，喺一大赏心乐事🥰-🍣 平政鱼：刺身嘅口感较为烟韧黏口，上面有呈啫喱状、俗称梅水晶嘅鲨鱼骨，梅味突出，充满夏日感觉🌞-🍣 北海道绞鲽：色泽透亮，味道充满油香☺️-🍣 帆立贝：口感啖啖肉，配搭自家制柠檬叶替代酱油，更加清新，去取油腻感，口腔感觉焕然一
———————————————-
#昶 🇯🇵
-
最近同事推荐咗喺公司附近呢间新开嘅高质日本菜，餐厅以木系设计为主轴，装修非常精致优雅，充满日式风味🏯餐厅除左厨师发办，更设有VIP房，有埋铁板烧添～
-
呢款握寿司午餐厨师发办十分丰富，包咗前菜、沙律、茶碗蒸、手握寿司十二贯、卷物、汤及甜品，超级满足😆
-
店员嘅服务态度相当嘅好，准备口罩套、不断添茶同收拾餐具等等都照顾周到，非常贴心，厨师亦十分亲切同热情，介绍非常清晰☺️
-
🇯🇵 前菜
先嚟炸鳢鱼天妇罗配搭自家梅子酱同洋葱蓉，佢系来自关西地区嘅高级鱼，口感清新🥰 而茶碗蒸布满蟹肉丝，高汤同滑蛋嘅比例得宜，上面仲有金箔作点缀，格外高级🌟 沙律当中嘅莲芋片几特别，比较少见，非常爽脆，芝麻酱口感清新，十分开胃🥗
-
🇯🇵 手握寿司十二贯
寿司嘅安排好有层次，配搭得宜😎 睇住大厨喺面前表现刀功同握寿司嘅手法，喺一大赏心乐事🥰
-
🍣 平政鱼：刺身嘅口感较为烟韧黏口，上面有呈啫喱状、俗称梅水晶嘅鲨鱼骨，梅味突出，充满夏日感觉🌞
-
🍣 北海道绞鲽：色泽透亮，味道充满油香☺️
-
🍣 帆立贝：口感啖啖肉，配搭自家制柠檬叶替代酱油，更加清新，去取油腻感，口腔感觉焕然一新😌
-
🍣 筋羽太：口感黏口软淋，上面嘅金橘啫喱更加带出刺身嘅鲜味，口中充满住清爽嘅余味🍊
-
🍣 火炙银鳕鱼边：睇住师傅现场以炭火放喺铁板上炙烧，十分兴奋🔥 加埋炸大葱丝一齐食，层次丰富，油脂感爆发！
-
🍣 池鱼：肉质软嫩，师傅专登将姜蓉同葱末磨成茸，带出辣味，层次丰富😋
-
🍣 牡丹虾：十分新鲜，上面仲有经调味后火炙虾头膏，带有焦香，味道浓郁🦐
-
🍣 吞拿鱼：呢款系经二十日熟成嘅野生赤身吞拿鱼，十分肥美，油脂感突出💓
-
🍣 大拖罗：同样系经过二十日熟成，十分鲜甜肥厚，口感食落唔会有筋，拍得住喺日本食嘅水准，配搭埋芥末籽层次丰富😎
-
🍣 赤海胆：毫不吝啬，份量十足，色泽呈鲜艳橙，口感奶滑润泽，味道甘甜，底层嘅炸米饼系以赤醋饭打成米糊，舖平后风干再炸，再以淡雪盐调味👍🏻
-
🍣 喜之次：作为俗称海中红宝石嘅高级食材，经炙烧后更加鲜甜，口感带有咬劲得嚟唔会韧，夹埋山椒酱更加正😙
-
🍣 右口鱼边：听师傅讲原来右口鱼比左口鱼更加矜贵，鱼边略略炙烧过，再用紫菜包住，配搭XO酱同酱油味道浓烈，油脂感爆发😍
-
唔止刺身新鲜，连米饭都特别讲究，拼合两款不同嘅日本米，以日本泉水煮成特别香甜，清淡啲嘅时候就选择白醋饭，鱼味浓郁嘅时候就会使用到口感较黏口嘅赤醋饭🍚
-
作为埋尾，师傅准备咗个细长条形嘅拖罗蓉手卷同玉子，蒸蛋特别惊艳，非常绵密幼滑，入口即溶⭐️
-
最后嘅甜品卖相极佳，带有金箔，咖啡啫喱甜味香浓，画上完美句号🥰
-
⭐ 参考价钱︰
Lunch omakase: $580/位
张贴
