影片
更多
2021-04-02
1153 浏览
之前听同事介绍呢间新蒲岗良心怀旧港式茶餐厅，话佢啲奶茶同埋沙嗲牛好正，就一直都想试吓，于是趁放假今日特登慕名而来到新蒲岗惩罚一下佢😛.就咁睇个店面就知道佢历史悠久，好彩我都事先都上网做咗啲功课，原来佢系70年代已经开咗，真正系一间怀旧老字号嘅港式茶餐厅，而且系三代同堂嘅家族生意，第一代老板已经系90几岁高龄嘅爷爷👴🏼而且之前曾经俾人贴街招屈过佢系蓝冇良心，后来经一班孙仔澄清返原来系有良知嘅良心店💛.除咗格局怀旧经典，食物都系典型港式茶记可以食到嘅，我见价钱都好合理同抵食，我叫咗个全日特餐$38， 有沙嗲牛肉面，火腿奄列，牛油方包，我仲叫咗杯嘅金宝热奶茶☕️某程度上我都系为呢杯热奶茶同佢嘅沙嗲牛肉面冒名而来。.我见网上啲人话佢嘅菠萝油都好正，本身我谂住另外加多一个菠萝油我嘅食量当然食到啦，但系个侍应哥哥超好人，佢话帮我将个牛油方包转做菠萝包加多$5加旧牛油就得，咁样埋单都系$43抵d，就唔使我另外买多个菠萝油加$13咁贵，仲帮我谂埋会唔会太窝心？！☺️另外我想讲佢无论系侍应定系帮我执碗嘅姐姐，礼貌都超好，唔该前唔该后，又叫我慢慢食，真系好耐冇感受到啲传统嘅茶记都有咁好嘅服务态度👍，讲坚，服务
.
就咁睇个店面就知道佢历史悠久，好彩我都事先都上网做咗啲功课，原来佢系70年代已经开咗，真正系一间怀旧老字号嘅港式茶餐厅，而且系三代同堂嘅家族生意，第一代老板已经系90几岁高龄嘅爷爷👴🏼而且之前曾经俾人贴街招屈过佢系蓝冇良心，后来经一班孙仔澄清返原来系有良知嘅良心店💛
.
除咗格局怀旧经典，食物都系典型港式茶记可以食到嘅，我见价钱都好合理同抵食，我叫咗个全日特餐$38， 有沙嗲牛肉面，火腿奄列，牛油方包，我仲叫咗杯嘅金宝热奶茶☕️某程度上我都系为呢杯热奶茶同佢嘅沙嗲牛肉面冒名而来。
.
我见网上啲人话佢嘅菠萝油都好正，本身我谂住另外加多一个菠萝油我嘅食量当然食到啦，但系个侍应哥哥超好人，佢话帮我将个牛油方包转做菠萝包加多$5加旧牛油就得，咁样埋单都系$43抵d，就唔使我另外买多个菠萝油加$13咁贵，仲帮我谂埋会唔会太窝心？！☺️另外我想讲佢无论系侍应定系帮我执碗嘅姐姐，礼貌都超好，唔该前唔该后，又叫我慢慢食，真系好耐冇感受到啲传统嘅茶记都有咁好嘅服务态度👍，讲坚，服务态度良好对我的用餐过程来讲好重要，真心加分！💛
.
讲返佢杯奶茶，我首先冇加任何嘅糖试咗一啖，一入先系好香滑奶味，茶味唔算好浓，亦唔会有一种苦涩味，但系慢慢茶味开始渗出同响口腔入面回甘，跟住我加咗一茶匙嘅糖，加咗糖之后再饮即刻带出个奶茶味😍就系呢一只典型港式茶餐厅奶茶嘅味道！🥰香滑嘅奶味有加少少甜味仲有茶味每样味道都好平均啱啱好！佢杯热奶茶真系好好饮🥰
.
继而就试佢嘅沙嗲牛肉公仔面🍜睇返网上资料原来老板每日坚持新鲜手炒，卖完即止，我见到网上嘅相有啲洋葱系牛肉入面一齐炒，我今次呢碗就冇可能咁啱冇捞到，不过佢呢度嘅食物份量都几大份，你见到佢𠮶啲沙嗲牛肉都几多，出手好阔绰，每一片都完整而且几大片，唔会碎湿湿，而且口感好嫩有咬口，又唔会太腍同埋梅👍沙嗲汁嘅味道又系啱啱好，加上佢又系用大光面，儿时嘅味道同回忆返晒黎！😋👍
.
火腿奄列煎得比较熟同埋干身，似火腿煎蛋多啲🤣而且啲盐有唔平均嘅情况，所以少少偏咸，不过捞埋落去同个沙嗲牛肉面一齐食又几夹㖞！
.
食完个沙嗲牛肉面同埋火腿奄列其实已经好满足，但系食埋个菠萝油俾我埋尾就更加满足啦，虽然好邪恶但系都一定要试！因唔系遇上佢嘅菠萝包新鲜出炉嘅时间，所以菠萝包未能用本身嘅温度将格牛油溶化，但系一咬落去果下真系soft好香！本身菠萝包已经好松软啦，加上中间𠮶格咸牛油又香又咸又甜又滑又creamy多重嘅滋味, 系好邪恶但系真系好好味!!😍可能我太耐冇食过菠萝油，食返真系有一种莫名嘅感动🥲
.
好开心今日可以去一间咁怀旧又高质嘅茶记重新体会返香港茶记文化，我发觉原来我都好耐冇认认真真坐低食返一啲地道嘅茶餐厅食物，当食返一啲正宗又好味嘅茶记食物真系会莫名地感动和满足😍🥲。有啲嘢明明由细食到大，但系随着年纪越大见识越多，慢慢将佢哋遗忘咗，有时可能最好嘅嘢就响身边，但偏偏冇好好去珍惜，好感激仍然有人继续保留同埋捍卫呢种香港特色嘅美食同文化，真心希望属于我们香港嘅文化同埋特色可以继续得以承传🙏🏻
.
店名：金宝冰厅💛
地址：新蒲岗康强街53号地下
张贴
