海南少爺 (已結業)

🔹招牌海南鸡饭🔹鸡肉厚身，啖啖肉，皮与肉之间仲会有层薄薄既骨胶原啫喱。虽然价钱属中上，但鸡既质素同份量系对得住呢个价。好彩啲安排到海景位仲更加抵！油鸡饭好香口，饭粒粒分明，整体非常满意～🔹鸡丝喇沙🔹鸡丝份量多到堆到座小山丘，肉质系非常嫩。汤底又浓杰身，椰香味重，豆卜索晒汤汁一咬爆汁超满足。一啖浓汤，一啖爽滑米线，再一口嫩滑既鸡丝，正！🔹美禄哥斯拉🔹美禄细细个就饮得多，但系美禄加哥斯拉又系咩玩法。原来系朱古力酱加厚cream雪山，cream 与美禄perfect match,再加左少少麦皮口感更丰富～.