影片
更多
2019-05-23
3640 浏览
好耐冇食德国菜啦！今次朋友建议去朗豪坊十三楼嘅一家德国餐厅，都系一个唔错嘅建议😍呢间德国餐厅环境气氛和情调唔错，佢可以选择坐室外或室内，不过其实佢嘅室外继续于朗豪坊嘅室内，咁到底系室外定室内妈我好乱啊😂😂😂😂无论点响天幕之下高炒望落去睇哂成个商场真系几好feel😍环境分数好高，要睇下食物方面啦。前菜小食我哋拣咗烟三文鱼泡芙($73)同埋啤酒浆炸鲜虾串（$102），个烟三文鱼泡芙高度推介，首先外型已经非常精致，每一粒入面都包住小洋葱烟三文鱼，上面酥软，下面就系脆饼底，一啖会有多种口感。至于个炸虾串我就觉得略嫌有啲小油，同埋个炸浆都几厚，不过入面只虾都几大几新鲜嘅。德国餐厅点少得一杯啤酒🍻？我今次特登拣咗冇酒精嘅啤酒🍻味道同有酒精嘅的确争小小，不过都系好重麦味，最紧要系我饮完唔会面红😝再来，德国餐厅又点可以唔叫猪手？不过今次我哋点嘅猪手有别于一般嘅烤焗猪手，见佢推出左两款新嘢，有和风味噌猪手同埋冬阴公海鲜猪手，两个都想试但系我地得三个人，选择困难拣咗好耐，最后我哋拣咗和风味增猪手（$238）🐷👋😆呢个和风味噌猪手一上枱嘅时候好似一碟大阪烧咁样上面有铿鱼丝，紫菜蛋黄酱同埋照烧汁，和风味浓！原
好耐冇食德国菜啦！今次朋友建议去朗豪坊十三楼嘅一家德国餐厅，都系一个唔错嘅建议😍
呢间德国餐厅环境气氛和情调唔错，佢可以选择坐室外或室内，不过其实佢嘅室外继续于朗豪坊嘅室内，咁到底系室外定室内妈我好乱啊😂😂😂😂无论点响天幕之下高炒望落去睇哂成个商场真系几好feel😍
环境分数好高，要睇下食物方面啦。前菜小食我哋拣咗烟三文鱼泡芙($73)同埋啤酒浆炸鲜虾串（$102），个烟三文鱼泡芙高度推介，首先外型已经非常精致，每一粒入面都包住小洋葱烟三文鱼，上面酥软，下面就系脆饼底，一啖会有多种口感。
至于个炸虾串我就觉得略嫌有啲小油，同埋个炸浆都几厚，不过入面只虾都几大几新鲜嘅。
德国餐厅点少得一杯啤酒🍻？我今次特登拣咗冇酒精嘅啤酒🍻味道同有酒精嘅的确争小小，不过都系好重麦味，最紧要系我饮完唔会面红😝
再来，德国餐厅又点可以唔叫猪手？不过今次我哋点嘅猪手有别于一般嘅烤焗猪手，见佢推出左两款新嘢，有和风味噌猪手同埋冬阴公海鲜猪手，两个都想试但系我地得三个人，选择困难拣咗好耐，最后我哋拣咗和风味增猪手（$238）🐷👋😆
呢个和风味噌猪手一上枱嘅时候好似一碟大阪烧咁样上面有铿鱼丝，紫菜蛋黄酱同埋照烧汁，和风味浓！原来系用上BB猪手，切到一嚿嚿有骨嘅猪手炆得好入味味道甜甜地，有啲似中式嘅炆猪手，不过系用照烧汁去炆，唔会炆得好腍，好入味得来有咬口👍有骨又有咬口，送啤酒最高嘅境界😂👍估唔到响德国餐厅食到呢款咁特别嘅猪手👍饿伊斯~！😝
另外你德国餐厅点可以唔点德国肠，我咁贪心款款都想试，就点一个香肠拼盘，有晒五款香肠（$238）！😍啱晒我呢啲贪心的小狗！五款香肠入面有图林根香肠，辣肉肠，芝士肠，农家香肠同埋纽伦堡肠，研究左一蔺我钟意食分五款香肠，分辨香肠呢一课可以毕业啦😝我自己最钟意食芝士肠!juicy juicy😍😋另外入面仲有一个类似薯仔波嘅物体，咬落去你就会觉得薯仔加面粉团嘅混合体，应该系德国人嘅主食挂，口感系几特别，不过唔系我杯茶，next😝
食甜品食甜品食甜品！见到佢竟然有意大利雪糕Gelato，当然要点🍦意大利雪糕比较少奶比较重原材料，所以好快就会溶要好快食😝一共有两款，第一款系用烧棉花糖包住雪糕，雪糕份量较少，但系烧棉花糖嘅松软真系好正！
第二款我哋拣咗意大利粉造型，今次可以大啖大啖咁样食到意大利雪糕𠮶种香甜，加埋其他Topping好像oreo和野莓，口感更加丰富！
食以上嘅大肠大肉真系几腻几滞，德国人嘅智慧食返啲酸椰菜就解到啦！整体来讲呢餐真系几满足同高质，而且每个菜式都充满惊喜，之前都食过唔同嘅德国餐厅但系冇乜特别印象，但系呢间德国餐厅除咗保留到一啲传统嘅不过菜式之余仲有一啲大胆创新嘅尝试，重点系创新得来系好食又唔会觉得好奇怪，创新同奇怪真系一线之差，有呢份勇气值得加分👍
___________________________
店名：Beerliner German Bar & Restaurant (旺角)
环境🏝：8.5/10
服务💁🏼♀️：8.3/10
价钱💰：7/10
食物质素🍝：8/10
整体🙆🏻♂️：8.4/10
地址：
旺角亚皆老街8号朗豪坊13楼05号舖
张贴
