Boaz House

营业中

休息中

真系估唔到原来香港有一间以基督教为主题嘅餐厅😛，环境仲要几靓，食嘅嘢都好特别，我哋今次拣咗个二人餐，贪佢咩都可以试下。二人餐（$3️⃣6️⃣8️⃣）佢包左两碗餐汤、两杯饮品、一份前菜、一份主菜、一碟意粉/饭同埋甜品，超丰富。鹰嘴豆蔬菜球比起沙律，我更加钟意食鹰嘴豆！呢个鹰嘴豆整得超好食😋，外层好脆，入面系鹰嘴豆蓉，好似薯蓉咁，炸到热辣辣好正。水波蛋香草烧汁鸡肉意粉我觉得佢呢个烧汁几特别，有啲啲似咖喱，少少辣咁。佢个鸡肉本身叶得好入味，好重香草味，而个意粉就比较弹牙。彼得香酥鱼我觉得重头戏应该系呢一个！其实我唔知佢系咩鱼🤣，但佢揸到炸到连个骨都好脆，但鱼肉仲好滑又唔鞋，其实我觉得唔点酱都已经好好食！地中海酥脆香蕉甜品有香蕉同埋甜甜圈拣，朋友就拣咗食蕉🤣。其实本身会以为好甜，但食落去又唔会㖞，而且啲香蕉炸到溶晒咁，配埋外层脆皮一齐食感觉好特别，呢个可以试吓。我觉得呢一餐同平时食个西餐好唔同，啲食物款式好特别，条鱼令我印象几难忘。同埋佢𠮶个花墙真系好靓🙈，好啱打卡。