三希樓 (已結業)

呢几日返工太攰，所以放工特登同fd 嚟食餐好既。一坐低就有2碟小食，拍青瓜同辣笋，但由于个 fd太饿，未影个笋佢已经食哂🤣，服咗佢。竹蔗茅根水（$28一杯）叫咗2杯野饮，几清甜，好香蔗味，真系自己煲出嚟，有d后悔冇叫一渣。豉椒炒蚬（$188）佢d蚬比想像中大只，几惹味，粒粒都好大粒，朋友超中意食，不过可惜有几只冇开到壳。Xo酱大虾粉丝煲（$320时价）320蚊一煲好似几贵咁，但其实佢都几多大虾，只只虾都好大粒，而且食得出唔系雪藏虾，系新鲜虾。佢d 粉丝就索哂d 虾既鲜味，炒得好干爽，几好食。蛋黄南瓜（$98）呢个真系意料之喜，件件南瓜都有蛋黄味，而且炒得唔会过淋，软硬度啱啱好，咸蛋黄味超香，超适合𩠌饭。