影片
更多
2022-05-19
500 浏览
《淡路风味厨师发板🏮》———————————————-#淡路 🗾-最近市况好啲，返工顺利，lunch就食咗餐高质嘅Omakase 奖励下自己～ 同事推荐咗呢间喺公司附近嘅日本菜十分高质，餐厅以木系设计为主轴，装修非常精致优雅，充满日式风味🏯-餐厅有VIP房可以包场，又可以散位嚟坐bar枱食，我自己食就拣咗「竹」嘅午餐厨师发办，包咗季节前菜、季节刺身、珍味、蒸/煮物、手握寿司、卷物、面豉汤及季节果物，超级满足😆-Serve 我嘅日籍主厨Eto San 入厨经验丰富，而店员嘅服务态度亦相当嘅好，介绍非常清晰，准备热毛巾、口罩套、添茶同收拾餐具等都照顾周到，非常贴心☺️-🇯🇵 三品前菜打头阵嘅系水茄子果冻、炸腐皮鱼肉卷同炸芋仔，特别对鱼肉卷感到惊喜，餐厅用上𫚭鱼同帆立贝打成蓉，层次丰富👍🏻-🇯🇵 季节刺身接落嚟上嘅系鹿儿岛鲣鱼，以炙烧方式令外皮略带香脆，再以葱花、姜蓉同洋葱调味，配搭柚子汁作点缀，完全唔会有油腻感😙-🇯🇵 手钓池鱼刺身餐厅叫得淡路，咁梗系主打淡路岛嘅食材，唔些系池鱼，就连垫底嘅萝卜丝都系淡路岛出产，拌埋姜蓉、芥末同青柠汁一齐食，香味突出😝 食到呢度，大厨仲专登介绍佢嘅餐具都讲究
———————————————-
#淡路 🗾
-
最近市况好啲，返工顺利，lunch就食咗餐高质嘅Omakase 奖励下自己～ 同事推荐咗呢间喺公司附近嘅日本菜十分高质，餐厅以木系设计为主轴，装修非常精致优雅，充满日式风味🏯
-
餐厅有VIP房可以包场，又可以散位嚟坐bar枱食，我自己食就拣咗「竹」嘅午餐厨师发办，包咗季节前菜、季节刺身、珍味、蒸/煮物、手握寿司、卷物、面豉汤及季节果物，超级满足😆
-
Serve 我嘅日籍主厨Eto San 入厨经验丰富，而店员嘅服务态度亦相当嘅好，介绍非常清晰，准备热毛巾、口罩套、添茶同收拾餐具等都照顾周到，非常贴心☺️
-
🇯🇵 三品前菜
打头阵嘅系水茄子果冻、炸腐皮鱼肉卷同炸芋仔，特别对鱼肉卷感到惊喜，餐厅用上𫚭鱼同帆立贝打成蓉，层次丰富👍🏻
-
🇯🇵 季节刺身
接落嚟上嘅系鹿儿岛鲣鱼，以炙烧方式令外皮略带香脆，再以葱花、姜蓉同洋葱调味，配搭柚子汁作点缀，完全唔会有油腻感😙
-
🇯🇵 手钓池鱼刺身
餐厅叫得淡路，咁梗系主打淡路岛嘅食材，唔些系池鱼，就连垫底嘅萝卜丝都系淡路岛出产，拌埋姜蓉、芥末同青柠汁一齐食，香味突出😝 食到呢度，大厨仲专登介绍佢嘅餐具都讲究细节，连筷子托都是淡路岛的地图形状 🗾
-
🇯🇵 炸生蚝
先以慢煮方式烹调，令生蚝口感更为软嫩，再炸脆外表，配埋淡路名物洋葱、海带同师傅特调微辣嘅胡椒柚子汁，一啲腥味都无，鲜味十足🤗
-
🇯🇵 矶烧带子
大厨整好就直接放喺我嘅手上，够哂特别🤭 带子爽口弹牙，烧到半生熟咁嘅效果，上面沾上姜蓉汁，再以紫菜包住，平衡做得好好😚
-
🇯🇵 西京味噌腌烧黑鯥鱼
黑鯥鱼肉质细致、油脂丰厚，以西京味噌腌烧之后更加多汁，油脂感爆发，甜甜咸咸嘅味道啱啱好，配埋清新嘅青椒同微酸嘅姜芽好夹😙
-
🇯🇵 赖尿虾茶碗蒸
呢款茶碗蒸超级特别，蛋质嫩滑，配搭赖尿虾真心好少见，虾肉肉质有咬口，底层仲有蒸鳗鱼，捞埋芥末汁同海苔酱一齐食超正☺️
-
🇯🇵 手握寿司8贯
寿司嘅安排好有层次，由浅入深，配搭得宜😎 睇住大厨喺面前表现刀功同握寿司嘅手法，喺一大赏心乐事🥰
🍣 池鱼：味道清新，口感较为烟韧黏口
🍣 石斑鱼：爽口弹牙，特别中意上面嘅昆布盐
🍣 伊佐木：又名一鲜鱼，配搭炸洋葱令整体层次更香浓
🍣 墨鱼：口感黏口软淋，中间夹住块叶更加带出刺身嘅鲜味
🍣 金目鲷：睇住师傅现场炙烧，加埋烧昆布同紫苏花一齐食，层次丰富
🍣 赤鯥：同样以炙烧方式烹调，配搭炸荞头丝味道味外浓郁
🍣 吞拿鱼：来自长崎县嘅时令食材，十分肥美，油脂感突出
🍣 海胆：毫不吝啬，成碗咁上份量十足，味道鲜甜
-
收尾就有个葫芦瓜卷物，帮手解腻，再饮埋个足料嘅小蚬肉味噌汤同清甜嘅静冈哈密瓜，十分完满🍈
-
⭐ 参考价钱︰
Lunch omakase: $1300/位
张贴
