影片
更多
2021-05-11
716 浏览
《滋补鲜甜花胶鸡煲🐤》———————————————-#丰锅鸡煲 🐣-呢间位于深水埗荔枝角道嘅鸡煲小店，相当干净企理😝招牌鸡煲有四款，任君选择，最近食得太多热气嘢，就嚟返个滋补养颜嘅滋补螺片花胶鸡煲啦！-鸡煲真材实料，大大块花胶同螺片，半只鸡都好足料，唔会剩系得啲骨，旧旧都啖啖肉。汤底味道鲜甜，不禁饮咗好几碗，加上红枣同杞子相当滋阴养生。花胶唔算薄身又爽口，螺片亦都好正，有咬口又鲜味🤩-食材都好新鲜，鸡件滑嫩，我哋亦点咗顶级安格斯牛小排🐮牛肉味道十足，脂肪分布均匀，肉质松软，份量亦不少🥬杂菜盘都几多种类，包括菜心、生菜、白菜、油麦菜～-啲侍应们都好好服务，帮我哋将成碟螺片花胶放落滚起嘅鸡汤度，又会主动帮手去油，呢个价钱嘅服务质素好唔错😉-打完鸡煲边炉都唔够喉，我哋再叫咗啲炸物嚟食，炸吉列蚝、炸吉列虾、炸忌廉薯饼同炸虾卷都系即叫即炸，水准都唔错，香脆得嚟唔油腻！饮品方面就点咗两杯颜色鲜艳、打卡一流嘅蓝蝶雪梨同水蜜桃梳打，甜甜地几清凉解渴🤗-⭐ 参考价钱︰滋补螺片花胶鸡煲半只： $218顶级安格斯牛小排：$188杂菜盘： $70炸吉列蚝：$58、炸吉列虾：$48、炸忌廉薯饼：$38、炸虾卷
———————————————-
#丰锅鸡煲 🐣
-
呢间位于深水埗荔枝角道嘅鸡煲小店，相当干净企理😝招牌鸡煲有四款，任君选择，最近食得太多热气嘢，就嚟返个滋补养颜嘅滋补螺片花胶鸡煲啦！
-
鸡煲真材实料，大大块花胶同螺片，半只鸡都好足料，唔会剩系得啲骨，旧旧都啖啖肉。汤底味道鲜甜，不禁饮咗好几碗，加上红枣同杞子相当滋阴养生。花胶唔算薄身又爽口，螺片亦都好正，有咬口又鲜味🤩
-
食材都好新鲜，鸡件滑嫩，我哋亦点咗顶级安格斯牛小排🐮牛肉味道十足，脂肪分布均匀，肉质松软，份量亦不少🥬杂菜盘都几多种类，包括菜心、生菜、白菜、油麦菜～
-
啲侍应们都好好服务，帮我哋将成碟螺片花胶放落滚起嘅鸡汤度，又会主动帮手去油，呢个价钱嘅服务质素好唔错😉
-
打完鸡煲边炉都唔够喉，我哋再叫咗啲炸物嚟食，炸吉列蚝、炸吉列虾、炸忌廉薯饼同炸虾卷都系即叫即炸，水准都唔错，香脆得嚟唔油腻！饮品方面就点咗两杯颜色鲜艳、打卡一流嘅蓝蝶雪梨同水蜜桃梳打，甜甜地几清凉解渴🤗
-
⭐ 参考价钱︰
滋补螺片花胶鸡煲半只： $218
顶级安格斯牛小排：$188
杂菜盘： $70
炸吉列蚝：$58、炸吉列虾：$48、炸忌廉薯饼：$38、炸虾卷：$28
蓝蝶雪梨：$38、水蜜桃梳打：$38
🍌 抵deal 指数：8/10
💰 人均消费：$300
张贴
